مش سكتك.. المهاوده والنفاق مش سكتك والرقص عريانه علي باب الزباين عمرو ماكان كارك واللقمه الحرام اللي مغمسه بالعار مادخلتش يوم دارك وسط الليالي الحمرا يا طاهره كنتي منوره بلون الشرف وعرضك الطاهر ولا مره اتخدش ولا لحظه بصيتي في المرايه وقلتي اااااااه يادي القرف قوليلي بس..؟؟ مين اللي بدل وجهتك؟؟ السكه دي مش سكتك بين يوم وليله بقيتي زي بنات كتير بعتي نفسك للصغير والكبير وسبتي جسمك للي معاه شوية فلوس ماهمكيش جابهم منين ملي القزايز بالدوا ونفخ جيوبه من اهات الموجوعين ولا مص دم الناس ولملم الملايين والحجه قال تمن دروس صارحيني بس مين اللي غير وجهتك اللعب علي كل الحبال مش مهنتك السكه دي مش سكتك أحلي مافيكي كان جنانك وسط ناس خرصه بتكدب ولهفة العاقل علي المحنون تخلينا نعرف الف مره ونحسب الصمت وسط الشده حسبة اللي يخون اما الشريف ابن الشريف هايقتلوه....هايعدموه أو حتي يرمو في سكتو "البدوي ادوارد" يقفلوه!!! مابقيش عارفك الشكل شكلك وعنيا بتكدبني لأ..مش دي ملامحك الصوت غريب نفس الخطوط..بس العدو بين يوم وليله صبح حبيب الصور ه انتي بس القلب مش فيكي بصحيح والايدين دي مش ايديكي دي ايدين عجوز..مكسور جريح مالك يا دستورنا كده مش صالبه عودك وخطوتك مكسوره يالله شدي الحيل الايدين اللي شالوكي زمان وطولوكي السما راجعين حالفين يحطو التاج مكان الطين علي راسك وتعودي منصوره لكن قبل ما امشي قوليلي مين اللي غير وجهتك ..السكه دي مش سكتك؟!!
