إسلام الفولي معتقل « البلاك بلوك » يكتب من السجن: « هتمرد »

- لما في بلدنا حكومة ورئيس يقتل أحلام الشباب فأنا ( أتمرد )

-لما في بلدنا شعب يعامل مثل العبيد اذا فأنا ( أتمرد )

-لما الى بيقولوا عليه رئيس ميسمحش غير لأهله وعشيرته فأنا ( أتمرد )

- لما أشوف الظلم في كل نفس وكل نسمه هواء فأنا ( اتمرد )

- لما الثوار يعتبروا بلطجية والبلطجيه يبقوا من أصحاب المناصب فأنا ( أتمرد )

-لما دم الشهيد أصبح سلعه للأتجار بها فأنا ( أتمرد )

- لما نساء بلدى تهان من مدعى الأسلام فأنا ( أتمرد )

-لما تهان مؤسسه القضاء فأنا ( اتمرد )

-لما يحكم بلدى مكتب ارشاد وجماعة محظوره فأنا ( أتمرد )

-لما رئيس الدولة يكون كذاب فأنا ( أتمرد )

- لما يكون عندنا جبهة انقاذ منقسمه على نفسها فأنا ( أتمرد )

- لما بطش الداخله يفوق الوصف ويصبح أملهم الأنتقام من شباب الثورة فأنا ( أتمرد )

- لما أقتصاد بلدي وصل لمرحلة التسول من دول أقل مكانه فأنا ( أتمرد )

- هتمرد علشان أعيش

- هتمرد علشان اسم مصر أم الدنيا يرجع تاني

- هتمرد علشان بغير على اسم دينى الأسلام دين التسامح والمحبه

- هتمرد علشان أسقط تجار الدين

- هتمرد علشان أسقط رئيس كذاب فاشل

- هتمرد علشان أنا مش من الأهل والعشيرة

- هتمرد علشان متحكمنيش جماعة حقيره

-هتمرد على الظلم هتمرد على الذل هتمرد على القهر هتمرد على الفقر هتمرد على الخرفان هتمرد على حاكم جبان

- هتمرد علشان أنا مصري حر