احمد عفيفي يكتب : امتحان الثانوية العامة في عهد مرسي!!

ده بس بمناسبة الراجل " العِرّة " اللي في امتحان اللغة العربية كتب فقرة يمتدح فيها مرسي ويشرشح فيها لمعارضيه ويصفهم بأنهم زبالة وسيغرقون في البحر السحيق وستعلو راية سي مرسي الى عنان السماء .. قبل ما ابدأ الامتحان بتاعي حاقوله " ... " امك!

ندخل بقى على امتحان الثانوية العامة في اللغة العربية اللي انا حاطه واخد مني وقت جامد جدا .. بس حيبقى سهل اوي والكل حينجح فيه.
التعبير : اكتب في واحد من الموضوعات التلاتة .. اللي يجي على مزاجك ، واللي تحس انك حتموت لو متكلمتش فيه

1- ثورة قامت في 25 يناير 2011 .. ونامت نومة سودا من بعد ما تم انتخاب سي مرسي
2- الرئيس مرسي من ساعة ما جه وهو واخد البلد للحضيض .. محققش حاجة واحدة م اللي الثورة قامت عشانها .. عيش .. حرية .. عدالة اجتماعية .. العيش محدش لاقيه .. الحرية ، باسم يوسف عند النائب العام .. العدالة الاجتماعية .. ابن مرسي بيتعين ب 50 الف جنيه وابن مكي بيروح قطر ب 50 الف دولار .. واللي معاهم ماجستير ودكتوراه بيسرحوا ببنس وفلايات في الاتوبيسات وإشارات المرور
3- الاسم رئيس وبيحكم .. والفعل قطعة شطرنج .. واللعب بين بديع والشاطر
النحو : اعرب ما تحته خط :

أمر المرشد العام للإخوان المسلمين مرسي انه يطلع على الناس في ميدان التحرير بعد نجاحه ويفتح صدره قصادهم كلهم .. " قال يعني مش لابس قميص واقي " .. قام مرسي نفذ بالحرف الواحد اللي قاله ولي نعمته .. وبعد كده قعد يخبط زي العيال .. لا هو عارف وشه من قفاه .. ومفيش كلمة تتقال من مرسي الا وعليها ختم مكتب الإرشاد ..
الإجابة تسهيلا على الطلاب رغم انها سهلة اوي .. مرسي الأولي مفعول به دائما .. " زي متعودة دايما " .. ومرسي التانية فاعل مرفوع من رجله ومسحوب من ودانه.. ومرسي التالتة مجرور من قفاه !
البلاغة : لو القرد مات القرداتي يشتغل ايه ؟ .. انا شايف كام صباع بيلعبوا في مصر .. اللي بيقولوا مصر حتقع اقولهم وقعة في ركبكم
اولا : من قائل هذه العبارات المعفنة ؟

ثانيا : في عبارة لو القرد مات معنى بلاغي فظيع .. فمن يقصد قائل العبارة بالقرد ومن هو القرداتي ؟ .. لو افترضنا مثلا ان الشعب المصري هو القرد .. فمن يكون القرداتي إذن ؟ .. ولو أجبنا انه بالضرورة سيكون رئيس الجمهورية .. فالسؤال : اذا كنا دايما نقول ع القرد إن " ... " حمرا .. فهل بالضرورة نتيجة العشرة ان القرداتي تكون " ... " حمرا برضه؟

ثالثا : في عبارة انا شايف كام صباع بيلعبوا في مصر .. ترى بماذا وصف قائل هذه العبارة بلدنا مصر .. اختر إجابة من التلاتة .. " مرة مومس .. أو لا مؤاخذة واحدة عايزة ...... بس خايفة من الحبل والولادة ، واذا كانت الاتنين مع بعض ، يبقى رئيسها ايه؟

رابعا : في العبارة الأخيرة بتاعت الركب .. ترى من أى بيئة جاء قائلها ؟ وهل يمكن ان نصدق انه استاذ جامعة ، ولا اخذ الدكتوراه بتاعته بجوزين حمام ودكر بط؟

امتحان الحساب : اجمع المرشد + الشاطر + الرئيس + كل افراد الجماعة .. واضربهم في خلاط .. واقسمهم على 4 كوبايات .. وارمي في ال " .... " وشد عليهم ال " ..... " !
امتحان التاريخ : لماذا حذف الإخوان الفترة من 52 وحتى سنة 70 من تاريخ مصر؟
الإجابة : عشان محدش كان معلمهم الأدب ومربيهم غير زعيم هذه الفترة
امتحان الفرنساوي : تفتكر إيه احسن " وضع " بيفضله الرئيس عشان قراراته تخرج سليمة؟

امتحان الرسم : ارسم صورة لمصر بعد الإخوان ماحكموها .. ولا تبالغ كثيرا في استعمال اللون الأسود .. على اعتبار ان فيه ناس كتير لسه بتحبها.. ومش ناقصين حزن اكتر من الحزن اللي هما فيه!!!