قصيدة ضد« مرسى » بعنوان « حس » القتها طالبة بطابور مدرسة السيدة زينب بالمحلة

كانت قد قامت الطالبة سالى ابراهيم بالقاء قصيدة شعرية ضد الرئيس محمد مرسى بعنوان " حس " بالطابور المدرسة لمدرسة السيدة زينب بالثانوية بنات بالمحلة الكبرى .

حس يا سيادة الريس بينا

حس بالنار اللى والعة فينا

حس بشهيد حلمه ضاع

حس بقهرة أهالينا

ليك رب هتقابله طب هتقوله إيه؟

لما يسأل جنابك علينا

حس بشوارع ماليها دم

حس بقهرة أب وأم

حس ببيوت جواها هم

والقلوب ماليها الغم

حس ببلد بتموت

وعز شبابها بيبتسم

حس بجدع عياله جاعت

نزل يوكلهم فكرامته اتباعت

اتسحل واتعرى فى وسط حكومتك

وبعد ده كله حقوقه ضاعت

ده أنا المصرى بن البلد

حلمى فى وسط الميدان اتولد

حلمى فى بلدى تعلى لفوق

وحلمى قدامى اتعرى واتجلد

يا سيادة الريس شرفك فين؟

لما اتعرى المصرى المهان

لما اتسحل واستغليت انه راجل جعان

وعاوز تكممه وتكتف عزته

وتهز بلدنا.. بلد الشجعان

لا مش هسكتلك ولا أسيبك تنهش

فى لحم بلدى زى زمان

م أصلى خلاص م الموت معودتش بخاف

عارف الموت؟ عارف معناه؟

الموت أحلام بتموت وتضيع

الموت مش بس موت الحياة

الموت صديق عمر يروح

وصاحبه يتوه مجراه

الموت مش بس روح بتطلع

الموت ابن يموت وأمه م تقدر تنساه

الموت أب انكسر ظهره

ابنه كان ظهره وقواه

الموت يعنى مستقبل بيموت ويضيع

وتموت أحلامك وياه

حق اللى اتعرى يا ريس فين؟

ولا هو اللى عراه أصلاً مين؟

اللى عراه ظلمك وكدبك

اللى عراه حكمك المهين

اللى عراه ديابة ملهاش إحساس

اللى عراه كلاب مسعورين

اللى عراه سكوت . اللى عراه جبروت

اللى عراه سلطة بتكسر عين

ورسالتى أخيرة لنظام جبان

نظام فاسد ملوش عنوان

لو هموت

لو دمى منك يلاقى الجحود

وتهددنى بسجن ظلام

ولا لوجوده أى وجود

... مش هتسكت فيا الصوت ..

... مش هتسكت فيا الصوت ..

... مش هتسكت فيا الصوت ..

كانت قد شهدت مدرسة السيدة زينت الثانوية بنات بمدينة المحلة امس، الأربعاء ، قيام مديرة المدرسة ومجموعة من المدرسين بتوبيخ فريق الإذاعة المدرسية بعد قيامهم بإلقاء مقال للكاتب الصحفى علاء الاسوانى يندد فيه عن الأوضاع التي تمر بها البلاد وعن فشل جماعة الاخوان المسلمين فى إدارة الأزمات ، وقصيدة شعربية كاتبتها الطالبة سالى موجهة لرئيس الجمهورية .

كانت الطالبتان سالى السيد وشمس قطب قد قاموا بالقاء مقال الاسوانى فى اذاعة الصباح مما ادى الى حالة هرج ومرج بالطابور وقيام مديرة المدرسة بتوبيخهم على تدخل السياسة فى طابور المدرسة مما يخالف القوانين .

وقد قررت محاسن الفلاح ، مديرية المدرسة ، بتحويل اخصائية الازاعة المدرسية وفريق الازاعه من الطلاب الى التحقيق معهم حول الواقعه .

ومن جانبها قالت فاطمة خضر ، وكيلة وزارة التربية والتعليم بالغربية ، عن قيامها بتوعية مديرين المدرسة بعدم فتح نقاش حول سياسة البلد داخل المدرسة مما يؤدى الى مخالفة القوانين ، فالمدرسة مكان للعلم وليس للنقاش السياسى والانتمائات السياسية ، وعلى الفور تم اتخاذ اجرائات قانونية مع من خالف التعليمات .