بالفيديو.. طرق طبيعية لتفتيح الجسم والتخلّص من السيلوليت

أعدّها للنشر: آية أشرف
أهلا بكل بنات "قمر 14"، في حلقة جديدة من حلقات "جمالك من الطبيعة مع رانيا"..
في حلقتنا النهارده هنعمل ماسكات لتفتيح البشرة والجسم والمناطق الحساسة، وهنستخدم لوسيون السمسم لتغذية الشعر والبشرة، وهنتعرف على ماسك جديد للتخلص نهائيا من مشكلة السيلوليت.
ماسك العرقسوس لتفتيح البشرة
المقادير:
ملعقة صغيرة عرقسوس
ملعقة صغيرة أرز مطحون
ملعقة صغيرة ترمس مطحون
1⁄2 ملعقة صغيرة كاربوناتو
رشة من البوراكس
3 نقط زيت ياسمين
القليل من الماء
الطريقة:
اخلطي كل المكونات الجافة مع بعض كويس، ثم ضعي زيت الياسمين واخلطيهم مع القليل من الماء لحد ما يبقى عجينة لينة، وحطي الماسك على بشرتك في اتجاه من أسفل لأعلى ما عدا منطقة العيون، وسيبيه لمدة 20 دقيقة، وممكن تعملي الماسك يومين في الأسبوع مش أكتر.
الماسك ده مفيد لكل أنواع البشرة ما عدا البشرة الحساسة، وهو مفيد في إزالة طبقة الجلد الميت والدهون الزيادة اللي على البشرة، وبيخلي بشرتك صافية ومشرقة.

إضغط لمشاهدة الفيديو:
ماسك الليمون والكربوناتو لتفتيح الجسم والمناطق الحساسة
المقادير:
ملعقة صغيرة كربوناتو
ملعقة صغيرة أرز مطحون
عصير ليمونتين
الطريقة:
اخلطي مكونات الماسك مع بعض كويس جدا، ووزعي الماسك على جسمك والمناطق الحساسة بحركات دائرية خفيفة، وسيبيه لمدة 10 دقائق، وحطيه على بشرتك بعد الماسك كأي مرطب، وممكن تكرريه مرتين في الأسبوع.
ملحوظة: الماسك ده ممكن تستخدميه على بشرتك لو بشرتك دهنية أو مركبة، ويستخدم على بشرة نظيفة جدا، ولو حسيتي بحرقان في البشرة والماسك على بشرتك، حطي عليه نشا لأن النشا هيتشرب الماسك ويرطب بشرتك.

إضغط لمشاهدة الفيديو:
ماسك العنب لتجديد البشرة
المقادير:
10 حبات عنب أحمر مهروس
ملعقة شوفان مطحون
الطريقة:
حطي العنب المهروس في شاشة واعصريه وخدي الميه بتاعته واخلطيه مع الشوفان المطحون وقلبيهم كويس لحد ما تبقى عجينة لينة، ووزعي الماسك على بشرتك لمدة ساعة، وممكن تكرريه مرتين أو 3 في الأسبوع.

إضغط لمشاهدة الفيديو:
لوسيون السمسم لتغذية البشرة والشعر
المقادير:
3 ملاعق كبيرة سمسم
كوب ماء
الطريقة:
حطي السمسم مع المية على النار وسيبيهم يغلوا كويس جدا، وبعد كده صفّيه وخدي الميه بتاعته وحطيها في بخاخ زجاج واستخدميه كلسيون للبشرة والشعر.
ماسك الزيوت للتخلص من السيلوليت
المقادير:
زيت لوز مر
ملعقة صغيرة زيت لوز ماري
ملعقة صغيرة زيت شمر

الطريقة:
أحضري زجاجة صغيرة وحطي نصفها زيت لوز مر، واخلطي كل الزيوت مع بعض كويس جدا، وادهنيها على بشرتك يوميا على بشرة نظيفة مع التدليك.

إضغط لمشاهدة الفيديو:
وبكده تكون خلصت حلقتنا النهارده..
استنونا في الحلقة اللي جاية..
سلام،،،