طريقة عمل "البسيسة" من "جوليا"

هاي إزيكم يا أجمد مجلة شبابية، أنا بحبكم جداً..
النهارده حبيت أقول لكم على طريقة عمل "البسيسة"، وهي زي "الكيك" بس أحلى بكتير...
المقادير
كوب ونصف دقيق عادي
كوب ونصف دقيق ذرة
بيكينج باودر
فانيليا
3 بيضات
كوب لبن
كوب زيت
كوب سكر
الطريقة
1- اخلطي البيض كويس في الخلاط لمدة 3 دقايق، ثم ضيفي الفانيليا، وبعدين حطي الزيت والسكر واللبن، واخلطيهم كويس أوي.
2- اخلطي الدقيق بالبيكينج باودر، وبعدين ضيفيه على خليط البيض والفانيليا، واضربيهم كويس بالمضرب.
3- أحضري صينية وادهنيها بالزيت، وبعدين حطي فيها العجينة، ودخليها الفرن، بس خلي بالك إنك تفتحي الفرن قبل ما تحطي فيه الصينية بربع ساعة.
وممكن بعد ما تستوي تقدّميها مع الشاي أو الحاجة الساقعة.. ويا رب تعجبكم وشكرااااا.
في النهاية كل أسرة "قمر 14" بتشكر الأصدقاء اللي بعتوا لنا وصفاتهم الجامدة دي..
ويا ريت تجرّبوها فعلاً..
وفي انتظار آرائكم..
وكمان وصفاتكم الجامدة على لينك..
ورينا شطارتِك،،،