يوم الجمعة بتحلى اللمة على الأكل.. علشان كده حبينا نشارككم اللمة الحلوة دي.. ونقدّم لكم كل يوم جمعة اقتراح لعزومة مكوّنة من العصير والطبق الرئيسي وطبق السلطة وطبق الحلو.. تعالوا نشوف هنعمل ايه النهارده.. الكركديه المقادير: أكواب كبيرة مية كوب أوراق الكركديه 1/2 كوب سكر كوب تلج مشروب الكركديه الطريقة: 1- حطي المية اللي عندك في كوباية كبيرة، وضيفي ليها أوراق الكركديه وحطيهم على نار هادية لمدة عشر دقائق. 2- بعد مرور العشر دقائق شيليه من على النار وسيبيه لغاية ما يبرد، وبعد كده صفيه، وضيفي إليه السكر وقلبيه كويس. 3- هاتي الكاسات وحطي فيها مكعبات التلج وصبي فيها الكركديه.. وبالهنا والشفا.
********************************* سلطة الزبادي
سلطة الزبادي المقادير 2 حبة خيار 1 فص ثوم مدقوق 1 معلقة صغيرة خل ملح وفلفل 2 علبة زبادي 2 معلقة صغيرة نعناع جاف ومطحون
الطريقة: 1- اخلطي الزبادي مع الثوم والخل في طبق.
2- قشري الخيار وقطعيه إلى مكعبات صغيرة وضيفيه إلى الزبادي، وبعد كده رشي عليهم ملح وفلفل والنعناع المطحون وقلبيهم مع بعض كويس. 3- بعد كده حطي السلطة دي في التلاجة وقبل الفطار بساعة طلعيها وحطيها في طبق التقديم ممكن إنك تذوقي الطبق بورق النعناع وشرائح الخيار.. وبالهنا والشفا.
********************************* حواوشي الدجاج حواوشي الدجاج المقادير: كيلو صدور فراخ مخلية 4 خبز شامي متوسط الحجم 3 حبات بصل أخضر مقطع شرائح 1 حبة فلفل أخضر مقطعة 2 فص ثوم مفروم 1 حبة فلفل أحمر مفروم ناعم (اختياري) 1 كوب زبادي أو قشطه بلدي 2 ملعقة كبيرة زيت ذرة 1 ملعقة صغيرة كاري 2/1 ملعقة صغيرة بهارات دجاج 2 ملعقة كبيرة كسبرة طازجة ومفرومة ملح وفلفل 4/1 كوب ميه الطريقة: 1- قطعي صدور الفراخ إلى شرائح صغيرة مثل الشاورمة. 2- سخني الزيت في طاسة كبيرة على نار متوسطة وضيفي ليه شرائح الدجاج، وقلبيهم مع بعض لمدة عشرة دقائق مع التقليب المستمر، بعد كده ضيفي ليهم البصل والثوم والفلفل الحار والكاري وخلطة التوابل والملح والفلفل، وقلبيهم مع بعض لمدة خمس دقائق، بعد كده ضيفي إليهم 4/1 كوباية ميه، وسيبيها على النار لغاية ما تتشرب المية دي. 3- هاتي العيش الشامي وافتحيه وامليه بالفراخ ورشي الكسبره عليه. 4- سخني الفرن على درجة حرارة 220 درجة، وحطي فيه الحواوشي لمدة 5-10 دقائق بعد كده طلعيه من الفرن وحطيه في أطباق التقديم وزيني الطبق ب 1 ملعقه كبيرة من الزبادي أو القشدة البلدي.. وبالهنا والشفا.
********************************* سلطة الفواكه بالزبادي واللبن سلطة الفواكه بالزبادي واللبن المقادير: ربع كيلو فراولة 2-3 حبات موز 1 حبة تفاح 4 شرائح أناناس 1 حبة مانجو 3 علب زبادي كوباية كبيرة لبن حليب محلي 2 معلقة كبيرة مربى فراولة عصير ليمونة
الطريقة: 1- تقطع الفراولة والتفاح والأناناس والمانجو إلى قطع متوسطة. يقطع الموز شرائح ثم تقطّع كل شريحة إلى نصفين توضع كل قطع الفواكه في طبق كبير ويضاف ليهم عصير الليمونة. 2- اخلطي الزبادي مع اللبن والمربى وضيفيهم إلى الفواكه وقلبيهم مع بعض كويس بعد كده حطي الطبق ده في التلاجة لمدة ساعة.. وبالهنا والشفا. وفي النهاية نتمنى إن عزومة النهارده تكون عجبتِك.. وتجربي كل الوصفات وتبعتِ تقولي لنا على النتيجة.. وكمان لو عندك وصفة حلوة عايزة تشتركي بها معانا.. ممكن تبعتيها لنا على لينك... "ورينا شطارتك"