بالصور.. أحدث تصميمات الفازات لديكور 2013

تأسيس عش الزوجية من أكتر الحاجات اللي بتقلق كل بنت مُقبلة على الزواج؛ لأنه موضوع مُتعب وبياخد وقت كبير، وطول الوقت بيكون فيه حيرة في الاختيار، علشان كده قرّرنا نساعدك في الاختيار، ونقدّم لك حلقات نعرّفك فيها أحدث الديكورات، والأفكار اللي ممكن تعمليها في بيتك...
هنبدأ النهارده بحاجة صغيرة بس ضرورية جدا، وهي الفازات، جبنا لكم النهارده أشكال متنوّعة من الفازات المودرن علشان تسهّل عليكي الاختيار، تعالي شوفي معانا.

الأبيض السنة دي موضة أوي، وفيه منه أشكال كتيرة من الفازات البورسلين أو السيراميك، ميزة الأبيض إنه بيليق مع كل الديكورات والألوان، كمان بيدّي إحساس بالفخامة والأناقة
الأبيض بيليق مع كل الديكورات والألوان
* صحة وجمال
اضغط على الصورة لمشاهدة الجاليري:
كمان الأبيض مع الإسود السنة دي موجودين بقوة
الأبيض مع الإسود السنة دي موجودين بقوة
* صحة وجمال
اضغط على الصورة لمشاهدة الجاليري:
الديكورات المودرن ميزتها إن أوقات ألوانها بتبقى زاهية وكتيرة، الفازات الزجاج هي الحل
الفازات الزجاج ألوانها كتيرة وزاهية
* صحة وجمال
اضغط على الصورة لمشاهدة الجاليري:
الفازات الخشب كانت موضة أوي السنتين اللي فاتوا، ولسه السنة دي كمان معانا الفازات الخشب في موضات ديكورات 2013. الخشب بيبقى ليه روح مختلفة، وبيضفي جو طبيعي للبيت، وكما شكله بيكون مريح للأعصاب
الفازات الخشب لسه موضة
* صحة وجمال
اضغط على الصورة لمشاهدة الجاليري:
دلوقتي كمان بقى فيه أطقم فازات بتتكوّن من قطعتين أو 3 قطع وأوقات أكتر، ودي ميزتها أنها بتسهّل اختيار أكثر من فازة لنفس الغرفة، ممكن ماتبقاش نفس الشكل أو اللون، لكن دايما هيبقي فيه شيء مشترك بينهم بيخلّيهم يكملوا بعض
أطقم الفازات بتسهّل اختيار أكثر من فازة لنفس الغرفة
* صحة وجمال
اضغط على الصورة لمشاهدة الجاليري:
النهارده قدّمنا لكم تشكيلة من أحدث الفازات لعام 2013، نتمنّى تكون عجبتكم وتساعدكم على الاختيار.
مستنيين رأيكم..
وانتظروا حلقات تانية عن الديكورات..
سلام،،،