بالصور.. معجنات البيجلز على "سفرة دايمة"

النهارده هنعمل مع بعض معجنات البيجلز، وهتقدري تعمليه في بيتك، وتقدري تقدميه في أي وقت وبأكتر من طريقة لحشوه.
معجنات البيجلز
المقادير:
1⁄2 كيلو دقيق (تقسّم الكمية على قسمين)
11⁄2 ملعقة صغيرة خميرة جافة
ملعقة صغيرة عسل أبيض
11⁄2 ملعقة صغيرة ملح
11⁄4 كوب ميه دافئة
ملعقة كبيرة ملح
بيضة مخفوقة
سمسم (ممكن تزودي حبة البركة أو الزعتر)
الطريقة:
1- اخلطي نصف كمية الدقيق والخميرة والميه الدافية مع بعض كويس، وبعدين غطي العجينة وسيبيها تتخمر في مكان دافي لمدة 30 دقيقة، وبعدين ضيفي عليهم ملعقة ونصف ملح وباقي الدقيق، واخلطيهم مع بعض كويس لحد ما تتجانس العجينة، وبعد كده غطيها وحطيها في مكان دافي لمدة 75 دقيقة.
ملحوظة: المعيار المستخدم في الدقيق بيكون عادة نصف كيلو، لكن ممكن تزودي دقيق لو العجينة احتاجت.
2- شكّلي العجينة على هيئة كور، واعملي فتحة في نصف كل كورة (خدي بالك لازم تكون الكور نفس المقاس، وتستخدمي نفس المعيار، وممكن تعمليها على شكل أسطواني وتقطعيها شرائح وتعملي كل شريحة على شكل كورة)، وبعدين رصّيهم في الصينية، ورشي عليهم نسبة بسيطة من الدقيق، وغطيهم بكيس بلاستيك، وسيبيهم على جنب لمدة 30 دقيقة.

3- حطي ميه على النار وضيفي عليها ملح وعسل أبيض، وسيبي الميه تغلي، وبعدين حطي العيش في الميه لمدة دقيقتين على كل ناحية، وبعدين شيلهم من على النار وحطيهم على مصفى علشان الميه تتصفى، وبعد كده ادهنيهم بالبيضة ورشي عليهم السمسم (ممكن تضيفي كمان حبة البركة أو الزعتر)، وبعدين دخليهم فرن درجة حرارته 200 درجة مئوية لمدة من 25 : 30 دقيقة، وبعدين سيبيهم على جنب يبردوا، وقدميهم..

معجنات البيجلز
* صحة وجمال
اضغط على الصورة لمشاهدة الجاليري:
خلصت وصفتنا النهارده..
استنونا كل يوم مع وصفات جديدة..
سلام،،،