جرين إيجلز لأولتراس أهلاوي: سندافع عن أي مظلوم.. وأنتم عمي البصيرة

وجه أولتراس جرين إيجلز -أحد روابط مشجعي النادي المصري البورسعيدي- رسالة إلى أولتراس أهلاوي، مؤكدين أنهم يدافعون عن أي مظلوم سواء كان أهلاويا أو مصراويا.
وقال ال"جرين إيجلز" في بيان لهم عبر صفحتهم على موقع التواصل الاجتماعي فيسبوك موجهين حديثهم لأولتراس أهلاوي: "فيه اتنين كانوا بيشجعوا معاكم في الماتش وبيرددوا أغانيكم وكانوا لابسين تيشرت نفس النادي اللي أنت بتشجعه وإحنا عارفين إنك ولا يهمك إنهم أخدوا إعدام، لأنك زي ما تخليت عن أصحابك جوة المدرج وكنت أول واحد يخرج سليم ودخلتم غرفة خلع الملابس مع اللاعيبة قبل نهاية الماتش، مش غريب عليك إنك تتخلى عن أبناء ناديك وتتجاهل ظلمهم لكبريائك الأعمى والاعتراف بوجود مظلومين في القضية".
وأضافوا: "لكن إحنا بندافع عن أي مظلوم سواء كان أهلاوي أو مصراوي مش بنشوف ألوان في الظلم، وهندافع عنهم زيهم زي باقي المظلومين، افرح بقى أو اغضب مش مهم بس خليك متأكد إنك أعمى البصيرة".