لا تجازفي بقلبك

أنا بنت بتحب من قلبها بجد، بس صادفني موقف عمري ما تخيلته؛ أنا حبيت واحد من حوالي 8 شهور وفضلنا مع بعض أربعة شهور، وكان بيحبني جدا جدا، لكن في لحظة بدأ يختفي من حياتي، قلت أبعد عنه يمكن ما بقاش بيحبني، سيبته وغيّرت رقمي، وبدأت حياة تانية عشان أقدر أنساه.
وعرفت واحد تاني بس حسيت إني بحبه، بس طبعا مش زي الأولاني حاولت أحبه أكتر وأقرب منه أكتر؛ لأنه بجد بيموت لو بعدت عنه بجد، وكذا مرة أقرر أبعد عنه وهو متمسّك بيّ لأقصى حد. من فترة قريبة ظهر الإنسان الأولاني اللي حبيته جدااا واعتذر لي، وكان بيحاول يوصل لي لكن موبايلي كان مقفول؛ لأني صدفة غيرت الشريحة لقيته بيتصل وإنه كان زي المجنون وبيدور عليّ، وكنت كتير كنت باشوفه تحت البيت بس كنت أنا نهيت الموضوع.
المهم دلوقتي أنا بدأت مشاعري كلها ترجع للإنسان ده بموت فيه بجد، لكن الإنسان التاني اللي بيحبني بجنون ده ما بقتش حاسة ناحيته بحاجة غير إني خايفة أسيبه يجرى له حاجة، أنا دلوقتي بين اتنين ومش عارفة أعمل إيه آخد اللي بحبه وباموت فيه.. ولا آخد اللي بيحبني؟!! مش عارفة أعمل إيه نفسي في حل يريّحني!!
م. ع. س

لو عايز تفضفض لنا دوووس هنا