استهنتي بنفسك فأهانك... ابتعدي ولا تكرري التجربة

أنا مرتبطة بواحد وإحنا الاتنين بنحب بعض جدا، وفي مرة كان مسافر الإسماعيلية وأنا كنت شاكة إنه رايح مصر علشان مصر دي فيها بنت كان بيكملها قبلي على إنهم صحاب، وأنا من غيرتي عليه اتصلت بصاحبه علشان اسأله هو راح مصر ولا لأ، وأنا مش رضيت أقول له إني اتصلت بصاحبه علشان ما نتخانقش.

وهو عرف من صاحبه إني اتصلت بيه، وشتمني كتير أوي وقال لي ألفاظ مش كويسة خالص، ونهى الموضوع، وقال لي لو شفتك في الشارع هامسح بيكي الأرض، وكلام زي كده، وشتايم كتيرة جدا، وأنا زعلانة، ومش عارفة أعمل إية؟
يا ترى فيه حل في إيدي أعمله ولا أسكت؟ يا ريت تساعدوني.
لميس

لو عايز تفضفض لنا دووووس هنا