الصديقة رشا.. هتقدّم لنا طريقة عمل عيش السرايا

أعدّها لكم: رشا - من وصفات القراء
عيش السرايا
المقادير:
كيس توست كبير
1⁄4 كيلو زبدة
2 كوب قشطة
1 1⁄2 كوب لبن
2 ملعقة كبيرة سكر
2 ملعقة كبيرة دقيق سميد
ملعقة صغيرة حبهان مطحون
فستق مفروم للتزيين
لتحضير الشربات:
اغلي كوب السكر في كوب الميه، وبعد كده ضيفي عليه عصير نصف ليمونة وفانيليا، وسيبيه يغلي على النار لغاية ما يبقى قوامه تقيل شوية، وبعد كده اطفي عليه وسيبيه يبرد.
الطريقة:
1- هاتي التوست، وشيلي الأحرف بتاعته، وقطّعيه شرايح صغيرة، ورصّيه في الصينية.
2- سيّحي الزبدة على النار، واسقي بها التوست، واخلطيهم مع بعض كويس بإيدك؛ علشان تتأكدي إن التوست تشرّب كويس بالزبدة، وبعد كده ضيفي عليه القشطة، وافرديها كويس، بحيث تغطّي طبقة التوست.
3- سخّني اللبن على النار، وضيفي عليه السكر، ودقيق السميد، والحبهان، وسيبيه على النار لغاية ما يغلي.
4- صبّي اللبن على الصينية اللي فيها التوست والقشطة، واعملي فتحات صغيرة في طبقة القشطة علشان التوست يتشرّب باللبن، وبعد كده دخّلي الصينية في الفرن، وسيبيها لغاية ما تحمرّ.
5- بعد كده طلّعيها واسقيها بالشربات، وسيبيها تبرد شوية، وقطّعيها قطع صغيرة وزيّنيها بالفستق المفروم وقدّميها.

وبكده تكون خلصت وصفتنا النهارده..استنونا بكره مع وصفة جديدة..
يا ريت تجرّبوها وتبعتوا لنا تقولوا لنا على اقتراحاتكم..
ولو عايزين تشاركونا بوصفاتكم المميزة.. ابعتوا هنا