النهادره هنقدّم لك طريقة سهلة جدا وبسيطة لعمل المشروم المشوي، وعلى فكرة الطريقة مش هتاخد منك وقت كبير في تحضيرها، يلّا بينا على المطبخ نشوف طريقتنا دي عبارة عن إيه.. طبق المشروم المشوي المقادير: * علبة مشروم أو كيلو مشروم طازجة "هتلاقيه في السوبر ماركت" * ملعقة كبيرة عصير ليمون * 3 فصوص ثوم مفرومين * ملعقة شبت مفروم * ملح وفلفل أسود * 1/ 4 كوب زبدة الطريقة: 1- اخلطي المشروم مع باقي المقادير اللي عندك، ودخّليه التلاجة لمدة نصف ساعة. 2- بعد كده هاتي صينية، ورصّي فيها المشروم ودخّليه الفرن على درجة حرارة متوسطة، وسيبيه لمدة نص ساعة أو لغاية ما تلاقيه استوى ولونه بقى دهبي، أو حطّيه في أسياخ معدنية واشويه على الشواية الكهربائية.. وبألف هنا وشفا. وبكده تكون خلصت وصفاتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلااااااام،،،