ميراث الخوف

أنا عايزة أفضفض لحد أنا بنت عندي 25 سنة ومخطوبة؛ بس مريت بظروف صعبة عندي في البيت، ولدي أب جاحد وبخيل ومش حنين علينا؛ لدرجة إنه كان بيدعي الفقر مع إنه مدير عام في مكان مرموق جدا، ويسيبنا ويدخل ينام وإحنا جعانين، وقعدنا على الحال ده 7 سنين، لغاية ما ساب البيت وراح اتجوز وما عدش بيصرف علينا. وقبل السبع سنين ماما اللي كانت ماسكة المصروف، وبعد الخلافات هو اللي مسكه.
آسفة إذا كنت طولت؛ بس مش هي دي المشكلة، المشكلة إن خطيبي باحس إنه متسلط وعصبي، ومش عايز حد يشوفني؛ بس في نفس الوقت طيب ومن أصل كويس؛ بس خايفة مش عارفة أكمل ولا لأ؟ وفي نفس الوقت خايفة لا يكون مصيري في الآخر زي ماما لغاية ما بدأ الإحساس ده يوصله، ومش عارفة أعمل إيه؟ محتاجة حد يساعدني آسفة إذا كنت طولت عليكم.
A