فراخ مشوية على الطريقة الأمريكية

النهادره هاقدّم لك طريقة سهلة جدا وبسيطة لعمل الفراخ المشوية، وعلى فكرة الطريقة دي هيحبها أوي كل الناس اللي مابتحبش تاكل فراخ متبّلة بالبصل، يلّا بينا على المطبخ نشوف إيه هي الطريقة دي؟
فراخ مشوية على الطريقة الأمريكية
المقادير:
* فرخة مقطعة أرباع
* 8 فصوص ثوم مفرومين
* ملح وفلفل
* كوب لبن
الطريقة:
1- اخلطي كل مقادير التتبيلة مع بعضها؛ وهي: الثوم والملح والفلفل واللبن، وتبّلي بها الفراخ، ودخّليها الثلاجة لمدة يوم.
2- بعد كده طلّعي الفراخ من الثلاجة، واشويها على الشواية الكهربائية، وبعد كده قدّميها وممكن تقدّمي معاها سلطة خضراء.. وبألف هنا وشفا.
وبكده تكون خلصت وصفتنا النهارده..
ماتنسيش تجرّبيها وتبعتي تقولي لنا على النتيجة..
ولو عندك طريقة تانية ابعتي لنا وإحنا نقدّمها لك في أسرع وقت..
سلاااااااام،،،