صاحبتي والدها بيتحرش بيها وسواق التوك توك بيضايقني!!

بسم الله الرحمن الرحيم.. أولا أحب أشكركم وجزاكم الله كل خير لنصائحكم وإرشاداتكم للجميع، وزادكم الله خيرا العلم والحكمة، أولا أنا عايزة آخد رأيكم في حاجة.. مشكلة بجد محيراني؛ أنا عندي 18 سنة، وليّ واحدة صاحبتي أوي، وبحبها أكتر من أختي وربنا يعلم.. المهم إن المشكلة دي تخصّ صاحبتي وشاغلاني أوي، هي ليها أب بجد خسارة فيه الأبوة وحرام إنه يكون أب؛ بيشرب خمرة وبرشام وحشيش وحقن كمان؛ يعني بتاع كله زي ما بيقولوا وبيحاول إنه يعتدي على بنته اللي هي صاحبتي، كل كام يوم يحاول معاها ويقول لها كلام من أقذر ما يمكن، وهي بتقعد تعيّط، ومرة حاول يعتدي عليها بالعافية وصوتت، وكانت مامتها نايمة وصحيت عملوا له فضيحة وسابوا له البيت؛ وبالرغم من كل ده رجعوا له تاني.
ولها أخ زي قلّته مش فالح غير في الحب، ماشي يحب على نفسه وخلاص، والبنت نفسيتها زفت وحاولت أكتر من مرة تنتحر، ومامتها مش عارفة بصراحة كده شكلها عندها خلل في دماغها. المهم إن صاحبتي دي صعبانة عليّ أوي، أنا أقرب واحدة ليها وقررت إني مش أبعد عنها مهما حصل، المهم إن الناس في المنطقة بيتكلموا عليها بسبب أبوها وكده، وكان لينا صاحبتنا التالتة عمّها بعدها عن اللي أبوها وحش وعني أنا كمان علشان مصاحباها.
بس أنا شايفة إن البنت أخلاقها كويسة وحرام بجد كده، وعمّ صاحبتنا التالتة دي عمّال يتكلم عليها وعليّ دون أسباب، وبيدعي إن هي بتمشي مع شباب وبتركب معاهم في عربياتهم وكلام فاضي كده، وعمّال يبوظ سمعتها.. أنا مش عارفة أعمل إيه، مش عايزة حد يتكلم عليّ وفي نفس الوقت مش عايزة أبعد عنها.
وكمان فيه مشكلة تخصّني أنا؛ فيه واحد عندنا من المنطقة ماعرفهوش هو سواق توك توك، واد صايع كل ما يشوفني ينادي عليّ بصوت عالي في الشارع، عمل كده أكتر من عشر مرات، ومرة قال لي اركبي هاوصّلك ببلاش، بصيت له بقرف ومشيت.. أنا خايفة كده هيفضحني ويشبهني، وأنا والمصحف ما أعرفه، كنت ماشية مع أختي من كام يوم نادى عليّ، المشكلة إنه بينادي ويجري بالتوك توك مش بالحقْ أشوفه؛ حتى أختي فهمتني غلط وخايفة أقول لماما أو بابا علشان هيفهموا غلط برضه، أفيدوني أرجوكم وجزاكم الله خيرا.
Boky love
نشكرك وندعو لك بخيري الدين والدنيا..
أقدّر اهتمامك بصديقتك ومحاولتك لمساعدتها، وأتمنى أن تخبريها بضرورة التوقف عن البكاء عندما يحاول والدها الاعتداء عليها؛ فالبكاء يُشعره بضعفها مما يجعله يتمادى، وألا تستمع للكلام القذر الذي يقوله، وأن تسارع بمغادرة المكان فورا.
مع ضرورة ألا تجلس بمفردها معه في البيت، وأن تغلق الباب جيدا على نفسها عند النوم، وألا ترتدي أية ملابس تكشف مفاتنها في البيت، وقبل ذلك وبعده تكثف الدعاء للرحمن أن يحميها من شرور هذا الأب الفاسد، وألا تتحدث هي ووالدتها للآخرين عما يفعله؛ لأنهما لا يفضحانه بقدر ما يسيئان لنفسيهما؛ وهو ما يجعل البنت حكاية تتناقلها الألسنة.
وكنت أتمنى ألا تقوما بفضحه عند محاولته للاعتداء على صديقتك، وأن تكتفيا بالهرب من المنزل منعا للقيل والقال.
وأتمنى إخبار صديقتك بالتعامل بقوة مع والدها إذا حاول الاعتداء عليها مجددا، وألا تقف لتستمع لكلامه؛ حتى لا يظن أنها على استعداد للتجاوب معه.
وعليها أن تحسن علاقتها بأخيها، وأن تشعره بمسئوليته عنها وعن والدتها، وأن تذكره أن ما يفعله والدها سيعود بالسوء عليه، ولن يجد من تتقبله وأسرتها زوجا، وأن عليه بذل الجهد الجاد لإبعاد والده عن المخدرات بالإضافة للتوقف عن محاولات الاعتداء.
وقولي لصديقتك إن الانتحار لن يحل مشكلتها فستخسر الدنيا والآخرة معا، وإن بإمكانها التصدي لوالدها بحزم، وعندما تتوقف عن البكاء وتكثف حماية نفسها ستقل محاولاته لإيذائها تدريجيا.
وأتمنى التأكد من حسن أخلاق صديقتك وأنها لا تصادق الشباب؛ كما ذكر عمّ صديقتكما.
ولن تخسري شيئا بالتأكد؛ فإذا ثبت سوء أخلاقها فابتعدي عنها، وإذا تأكدت من حُسن أخلاقها فواصلي علاقتك بها عبر الهاتف، وقللي من سيرك معها بالشارع -ما استطعت-حفاظا على سمعتك.
أما عن سائق التوك توك الذي ينادي عليك فلا بد من إخبار والدك بذلك ليتصدى له، ولا يوجد مجال للحديث عن خوفك من والدك، ولا تتعاملي مع نفسك وكأنك متهمة، وأخبري والدك بثبات -ودون حِدّة- أن هذا الشاب يضايقك وطالبيه بحمايتك، وإذا اتهمك بأنك تعرفينه أظهري الدهشة البالغة؛ وقولي: أنت أحسنت تربيتي، ولو كنت أعرفه كيف أطالبك بردعه، ولا تقولي كلاما أكثر وأظهري ضيقك بالاتهام؛ ولكن دون مبالغة وبلا كلام مسيء بالطبع.
وإذا ضايقك شاب لا تنظري به باحتقار؛ حتى لا يلجأ للعناد ويضاعف المضايقة، وتجاهليه تماما وحافظي على سمعتك دائما.
وفقك ربي وأسعدك..

لو عايز تفضفض لنا دوس هنا