صدور ديوان "يوميات شاب موكوس" عن دار ميريت

صدر حديثاً عن دار ميريت ديوان "يوميات شاب موكوس" أشعار بالعامية المصرية لأحمد عاطف مجاهد عن دار ميريت.
يقول مجاهد عن ديوانه: "لما بدأت أكتب يوميات شاب موكوس ما كانش نفسي أعمل كتاب لقرّاء الكتب فقط، لكن كان نفسي أعمل كتاب يقوم بقراءته كمان الناس اللي ما بتحبش قراءة الكتب، اللي همّ عمرهم ما كملوا كتاب لآخره، واللي أنا كنت واحد منهم من سنتين..

كان نفسي الأفكار اللي تدخل دماغ القارئ، تكون أكتر من الكلام المكتوب؛ يمكن لأن كراهيتي للقراءة -في وقت من الأوقات- كانت بسبب كتب وزارة التربية والتعليم اللي كان كلامها كتير، وما كنتش باطلع منها بحاجة! ما كنتش باحلم أعمل كتاب ياخد أيام في قراءته، لكن كنت عايز أعمل كتاب يتقري في أقل من ساعة، بس اللي يقرؤه، يرجع يقرؤه من تاني".

ومن أجواء الديوان:
أنا من جيل
لسانه تقيل
نص كلامه محدش فاهمه
جيل التحسين والتعديل
والاتنين صعبين يتفهموا
أنا من جيل الشمعدان
جيل فوازير نيللي وشريهان
أنا واحد من ضمن كتير
أحلامهم يا دوب يترسموا