صفحات في عقل الكاتب محمد التهامى

محمد التهامي
صاحب الكتب الأربع :
بني أدم مع وقف التنفيذ - هيروبولس- أشتغل وانت في البيت - شباب صيني
متى و بماذا بدأت .. و إلى أين وصلت ؟
بدأت اكتب من زمان
بدأت اكتب قصص و انا عندي 6 سنين
كنت بحب القصص جدا
و كنت بلم الاطفال و احكي لهم القصص
لما كبرت شوية روحت كلمتنا و ملحق كلام شباب و عدد من الصحف و الاماكن وبعد كدة روحت حريتنا و بعد كدة نزلت اول كتاب ليا
بني ادم مع وقف التنفيذ
وصلت الحمد الله .. مكان كويس و كفاية حب الناس و حب الشباب
ماذا غيرت فيك القراءة ؟
كل ما بقرأ و بتعلم بحس بجهلي
القراءة اجمل شيء فى الدينا ..
للاسف شديد اغلب ثقافتنا سمعية او تلفزيونية لدرجة ان اغلب الناس مغيبه
مفروض الانسان يتعلم طول ما هو عايش
أي الكتب تركت بصمة حقيقية في تفكيرك و حياتك ؟
كتب كتير
فى البداية كنت بقرأ احمد رجب
و كان بالنسبة لي احسن كاتب فى الدينا
و بعد كدة انتقلت لمصطفي محمود
و كان بالنسبة لي احسن كات فى الدينا
بعد قرأت لكتاب كتير اوي
بس وقعت فى عشق فى نجيب محفوظ و حبيته
اهم الكتب
الحرافيش نجيب محفوظ و رباعيات صلاح جاهين
الحوار مع ملحد مصطفي محمود و لغز الحياة مصطفي محمود لوجاء نوح انيس منصور
كتب كتير بقي لسارتر و شكسبير و نبيل فاروق و احمد خالد توفيق و كتاب كتير اوي
لأي الكتّاب تميل ؟ ما هو تصنيف الكتب الأكثر جاذبية بالنسبة لك ( رواية - فلسفة - تاريخ - فكر .. الخ )
بميل للتاريخ و الرواية و الفلسفة
بميل كمان للعلوم السياسة بحكم دراستي و بميل طبعا للكتب الغريبة و العلوم الشرقية زي اليوجا و التأمل و الكتب الصوفية و الاديان
و الانثروبوليجي ..
هل حدث و قرأت كتاباً أكثر من مرة ، و أي الكتب يمكن أن تعيد قرائتها
رواية الحرافيش و قصص الانبياء
بحس ان قصص الانبياء فيها دروس كتير محدش يعرفها
ما رايك في فكرة الإستغناء عن كتاب بمجرد الإنتهاء من قراءته ؟
فيه كتب بتندم انك قرأتها
عشان كدة دايما بحاول اعمل كذا بعد فى كتبي
بعد سهل الناس تفهمه
و بعد فلسفي صعب للناس اللى عاوزه تفكر
ما رأيك في الكتاب الإليكتروني ، و أين هو من مجموع قراءاتك
قرأت كتب مترجمة و لكتاب اجانب و كتب نادره ..صعب اوصل لها في الحقيقة
كتب فى الاديان و كتب فى السياسة و كتب كبار الكتاب و الفلاسفة
كتاب تمنيت ألا تكون له " صفحة أخيرة " ؟
الحرافيش طبعا
و كتب كتير حبيتها
اغلب الكتب اللى قرأتها حبيت اقعد معها للاخر
و آخر ندمت على قراءته ؟
كتب كتير بايخه
بالذات الكتب اللى بتكون مش حياديه بيكون الكاتب ممتطرف للرأيه و عاوز يضحك علينا
كم كتاب أنتجت حتى الآن ؟
4
بني ادم مع وقف التنفيذ
هيروبولس
اشتغل و انت فى البيت
شباب صيني
لماذا قررت أن تكتب ؟؟ كيف تغلبت على مخاوف الفشل و أخذت قرار خوض التجربة ؟؟
قررت أن اعبر عن نفسي و طموحتى و جيلى المظلوم .. و المقهور
النجاح و الفشل بيد ربنا ..المهم الواحد يحاول و يجرب ..يعنى لو مكنتش جربت كان هيحصل اية ولا حاجة
كيف خرجت كتاباتك للنور ؟؟ هل طبعتها على نفقتك الشخصية أم تبنتها دار نشر ما ؟؟
فى بداية كنت انوي انشر كتابي الالكتروني في داردعي سوسن و ارسلت لي الدار ان هناك دار جديدة تدعي اكتب .. و تم انقسام النفقات
متى يمكن أن تعتبر نفسك ناجحاً ك كاتب ؟؟ بعبارة أخرى .. ما رسالتك العامة ؟
ناجحا .. عندما أثر فى الاخريين .. عندما اغير حياة شاب او فتاة للأفضل
رسالتي ان اكون قدوة صالجه للشباب و أن اغير و اطور نفسي و الانسانية
كل كتاب له هدف خاص
هيروبولس هدفها تقدم مدينة السويس الي العالم و ان يحبها كل من يقرأ الرواية
شباب صيني هدفها دق نقوص الخطر حول قضايا الشباب
بينما اشتغل فى البيت هدفه فكرة استغلال الوقت و كيفية استغلا ل الوقت بشكل امثل
بنيي ادم مع وقف التنفيذ هدفه تقديم ذكريات و صور رومانسية للشباب و قصص المراهقين
و ما طموحاتك في مجال الكتابة ؟؟
طموحاتي أن يصل كلامي لكل البشر بمختلف الوانهم و اشكالهم
.ان اكون مؤثر
اتمنى ان تصل القصة و الرواية لكل الناس
اتمني ان ينافس الكتاب مبيعات المطربين
هل يمكن أن تعطنا وصفة سريعة للنجاح ، من أين يأتي الأمل ،
و كيف يصل الواحد منا لهدفه دون أن تغلبه كل دواعي الإحباط التي تحيطه من كل جانب ؟؟
لازم نتعلم و نقرأ كتير
تعرف ان ربنا بياخد من هنا و بيدي هنا
لازم نتأكد ان ربنا عادل اوي .. مهما كانت الحياة ظالمة و قاسية
لازم تبعد عن الناس الاغبياء و المحطبين و و نخلي جنبا الناس الناجحة و الشاطرة عشان نتعلم منهم و نتقوي بيهم
لازم ناخد بالنا من اصدقائنا و الناس اللى حوالينا
و تأثيرهم علينا
كلمة أخيرة تقولها لمن يريد أن يكون كاتباً
ان يتعلم و يفكر أن يقدم شيء جديدا و ان يكون له هدف و مشروع