16

الحلم:
أنا مخطوبة وبحب خطيبي جدا جدا جدا وإخواتي الولاد كمان بيحبوه جدا، وهما اللي خلوه يخطبني، وهو كمان بيحبني جدا. أنا حلمت إن إخواتي كلهم في الحلم عمالين يقنعوني إني أفك الخطوبة من أحمد خطيبي علشان فيه عريس تاني متقدم لي، وأنا عمالة أصرخ وأصوت وأقول لأ مش هينفع، وهما يقولوا لي ده هيسكّنك في شقة كبيرة، وأنا أقول لو هاسكن في قصر مش هاتجوز حد غير أحمد وكل شوية أصرخ فيهم وقول لهم إيه اللي إنتم بتقولوه ده، وبعدين قالوا لي خلاص شوفي العريس اللي إحنا جايبينه من غير ما تقولي لحمادة، ولو ما عجبكيش خليكِ مع حمادة زي ما إنتِ قلت لهم مش هينفع، ولو هاروح مش هاروح غير ودبلة حمادة في إيدي. وبعد كده طلعنا كلنا عند حمادة أنا وأسرتي كلها وإخواتي ومراتاتهم وبابا وماما ومامة حمادة عملنا غداء، وكان فيه سمك مشوي متوسط الحجم، أكلت منه كتير جدا وطعمه كان حلو جدا أحلى سمك أكلته في حياتي، وحمادة كان قاعد قدامي في السفرة وأنا ما قدرتش أحكي له علشان كلهم حوالي مش مدّيني فرصة أتكلم واحكي له.

يشير هذا الحلم لحرصك الشديد على خطيبك وخوفك غير المبرر من أن تأتي الرياح بما لا تشتهي السفن في المستقبل. كما يشير لوجود بعض المنغصات في علاقتك بإخوتك خرجت لك في صورة اضطهاد أو محاولة للقضاء على سعادتك.