نفسي والشيطان

أنا بنت عندي 20 سنة اتعرفت على شاب عن طريق الشات؛ بس هو من بلد بعيدة من الصعيد، المهم بقى يبعت لي إضافة كتير على الإيميل وأنا أرفضها، وفي يوم غصب عني قبلت الإضافة وللأسف لأن خبرتي كانت قليلة كان رقم الموبايل مكتوب على الإيميل فأخده وكلمني، وبقينا نتكلم على الإيميل والتليفون حوالي شهرين؛ المهم إنه بيتعامل معاي على أساس الصداقة وأنا مش حاسة تجاهه بأي إحساس؛ بس بصراحة أنا عاوزة أكمل، ومش عاوزة؛ وده لأني حاسة بفراغ عاطفي وحياتي فاضية وباحاول أملاها بأي شكل سواء كان عاطفي أو صداقة؛ بس مش عارفة أنا حاسة إن المشكلة مش صعبة أوي بس أنا مش عاوزة أتهرب، وعاوزة أعرف حل يكون كويس بالنسبة لي وما يجرحش الإنسان ده.
soma