أوافق عليه ولا أصبر ؟

السلام عليكم أنا عندى 25 سنه انسه اتقدم لى شخص من 3 سنين وهو متدين بس قعدنا نختلف على كل شئ يعنى كان رافض الشغل وعايز فرح بدو اغانى ، وهو كان مجوز قبل كدا بس محصلش بينهم حاجه ودا كان سبب انفصالهم هو قالى انه مكنش بيحبها واهلى رفضو بسبب تشدده وبسبب موضوع زواجه هو بيقولى انه سليم بس ساعات يقولى انه خايفه ولما ارفض واقول مفيش نصيب بينا يحلف لى انه كويس . وكمان بقي يتكلم معايا فى حاجات خاصه اوى وانا برفض وبتخانق معاه يقولى انتى السبب وانه مش هيقدر يجوز حد غيري ولو اجوز غيري هتكرر نفس حكايه زواجه وبيقولى هو بيقول كدا بسبب نفسيه والضغط وانى انا السبب من حرمانه من الحلال وانه ممكن يشوف حاجات وحشه بسببى لو رفضت اجوزه وانا كمان بقيت جوايا رغبه قويه للعلاقة الزوجيه وبفكر على طول فيها ، قوليلى اعمل ايه اوافق واعف نفسي ونفسه ولا اصبر ولا استعجل لانى اتخطبت مرتين قبل كدا ونهيت الخطبه لانى مكنتش مرتاحه وخايفه تكرر تانى . اسفه على الاطاله
صديقتى العزيزة
مازالت الحياه أمامك لتختارى الشخص المناسب لك … لا يعنى أبداً عدم التوفيق فى تجارب سابقة أنه قد فات الأوان وأن تختارى شخص غير مناسب لك لا تدعيه يؤثر عليك بكلماته ويسبب لك ضغط نفسى حتى تتزوجية … من بدايه الأمر وانتى على اختلاف تام معه فى أفكاره وعقليته فكيف ستكملى مشوار احياه معه رغم كل هذه الفوارق فى التفكير وفى الاراء.
من وجهه نظرى انهى هذا الأمر فى أسرع وقت ممكن لأنه شخص مخادع وغير سوى …. هو يقنعك أنه شخصية متدينه وأنه لا يرغب الأغانى فى عرسك وفى نفس يتحدث معك فى امور غير لائقة … كما انه يستغل طيبه قلبك ويحاول ان يحملك ذنب انتى لم تقترفيه
أختى الحبيبة انتى تستحقى السعاده ضعى هذا أمام عينيك وادعى الله تبارك وتعالى أن يرزقك بالزوج الصالح وأن يرزقك العفاف … تمسكى بالله ولن تضيعى.