!! ...حبتها في أسبوعين

السلام عليكم
أنا منذ حوالى أسبوعين تعرفت على فتاة من تونس عن طريق النت تحديدا عن طريق الفيس بوك , أضفتها عندى أرسلت لها صورتى ثم أرسلت هى صورتها لى و تحدثنا هذا اليوم و أعجبت بيها و أعجبت بى , اتفقنا على الزواج و العيش بتونس و قالت لى كلام حلو كتير , و اتفقنا على أنى هاكلمها تانى يوم على الموبايل بعد ما أعطتنى الرقم و اتصلت و كان عادى لما روحت البيت كلمتها على النت و قالت لى أن ابوها مش موافق بس هى عاوزانى بتقول ابوها مش موافق لأنى من مصر و انا امى متوفية و أبى عايش برة من زمان , المهم حاولت اقنعها أنها تدينى فرصة أكلم ابوها و اقنعه , بعد كده جاء ابن عمتها ليهددها لو اتجوزت حد غيره هيعمل فيها حاجة, المهم كلمتها
تانى و بالعافية اقنعتها بانها تدينى فرصة انى اكلم ابوها و هى خايفة تخسر ابوها بسببى لانه مخه صعب قوى و كمان قلتلها انى مش خايف من ابن عمتها لأنى لا اخاف الا الله سبحانه و تعالى خصوصا انى شفت الموت عده مرات اقربها بعد 30 يونيو 2013 المهم انا ليا اخوات بنتين عايشين مع ازواجهم و كمان اخى الاكبر عايش برة مصر و عنده شغله الخاص, المهم فى المحادثة دى قعدت تقولى اسيبها لانى أستاهل واحدة أحسن منها كلمتها على الموبايل ساعتها سألتها لو غلطت مع هذا
الشخص اللى هو ابن عمتها قالت لا و اقسمت بذلك و برضه خايفة عليا من كلامى مع ابوها , بعدها بعتلها رسالة على الفيس تكلمنى الساعة 9 مساءا بتوقيت مصر فعلا جاءت لكن بتوقيت تونس و كمان قبلها كانت بتقولى انها مش قادرة تقنع ابوها المهم اليوم ده ما قدرتش اكلمها لانى نمت لانها جت بعد ميعادها بأربع ساعات , المهم تانى يوم بعتلها رسالة على الفيس اطمن عليها و هى ردت على رسالتى , بعدها بعتلها رسالة انى عاوز اتكلم معها فى موضوع مهم ردت بعدها انا ماراح اتزوج بيك انا و انت هنبقى اخوات و مع انى كنت متفق معها تعطينى فرصة شهر و نشوف وصلنا الى أين و لو لسه مش عاوزة تتجوزنى خلاص هاحترم رغبتها و اختفى من حياتها للابد , بعد رسالتها الأخيرة بعت تانى اننا هنتكلم كاخوات ماردتش و لا حتى باتصال بقالها اكثر من اربع ايام ما بعتتش اى شئ على الفيس و لا اتصلت مع انى بعتلها كتير رسايل بدون جدوى ما بتظهرش على الفيس خالص من أخر رسالة , انا متأكد انها فى حاجة غيرتها من ناحيتى و انها مجبرة على كده , فكرت اتصل بيها رجعت قلت لو فيه حاجة هى اللى هتتصل و فكرت كمان أستعين بشخص شيخ فى بلدنا مشهور بعمل أشياء مثل جلب الحبيب كلمته سألته ازاى و انى عاوز اعمل ده قالى هات صورتها و اسمها و اسمك و مبلغ مالى قبل البدء فى عمل جلب الحبيب ثم لما الموضوع يخلص هتجيبلى باقى اتعابى علما انى هاسافر محافظة تانية علشان اقابله , المهم فكرت كمان بمناسبة عيد الأضحى ابعتلها هدية مفاجأة و دى هتكون شئ هى محتاجاه بس برضه فكرت ما جدوى الهدية اذا كانت مش عاوزانى أصلا , صاحبى قالى كلمها اسألها ليه هى بتعمل كده و اذا كان فيه فرصة لتغيير مشاعرها تجاهى قبل القيام بخطوة الهدية دى أحسن بدا ما ابعت على الفاضى علما انه قالى لو بعت الهديه ضع داخلها شئ بصوتك زى شريط فيديو مثلا توضح فيها مشاعرك , دلوقتى بقى انا محتار لعدم ردها عليا بقالها كذا يوم و كمان خايف اعمل جلب حبيب و لا ايه بعدين كمان خايف من المكالمة لها خايف تجرحنى و أتصدم لأنى حساس جدا و رومانسى لأبعد الحدود ساعتها ممكن يجرالى حاجة من الانفعال خصوصا انا عندى مرض السكر و الانفعال خطر عليا , أرجوكم ريحونى و ردوا عليا فى أسرع وقت ممكن انا بقالى فترة أفكر فى الموضوع و شاغل تفكيرى , مش عارف انام كويس و لا اكل كويس و لا اشوف حياتى , حاسس ان حياتى متوقفة بسبب كده , أرجوكم ردوا عليا
السلام عليكم ورحمة الله و بركاته
شكرا لكم معلش طولت عليكم أنا أسف لذلك
صديقنا العزيز
من الواضح أنك شخص هوائي ، فأنت أحببت تلك الفتاة وتعلقت بها تعلق شديد في أسبوعين، فهل تلك الفترة أستطعت خلالها التأكد من مشاعرك وخاصة أنك تعرفت عليها من النت، فهل هذا يكفي لإقامة حياة زوجية سعيدة من وجه نظرك ؟
.يا أخي الكريم، الحب ليس مجرد كلمات حلوة تأخذ القلب وتهز المشاعر فما أكثر خداع الكلمات، فالحياة الزوجية لها أسس يجب اتباعها لكي تضمن حياة سعيدة ثابته لا تتأثر بالرياح أصلها ثابت وفرعها في السماء، تأتيك ثمارها وتكون حلوة المذاق
.فتعالى ننظر للأمر بعين عاقله تدرك الأمور، فأنت لم تأخذ فرصة كافيه تتعرف فيها جيدًا علىى هذه الفتاه ولم تحتك بها مباشرةً فعلاقتك بها على النت وهذا شيء غير منطقي. وزيادةً على ذلك فهذه البنت تحوم حولها الكثير من العقبات والمشكلات التي تجعل فرصة ارتباطكما تكاد تكون صعبة
.إذا أنت أمام أمر مليئ بالعديد من المؤشرات التي تحكم على تلك العلاقة بالفشل، فأنصحك أن تنسى هذا الأمر ، وتخطط جيدًا لحياتك وترسم لنفسك خطوط واضحة تمكنك من الاختيار السليم الذي يضمن لك حياة مستمرة سعيدة مليئة بالحب والمودة
وعليك أن تُحكم عقلك قبل قلبك في إتخاذك للقرارات المصيرية في حياتك ولا تبني بيتًا على أساس ضعيف، وليس معنى كلامي أن تتنازل عن رومانسيتك ومشاعرك، فالمشاعر الطيبة أجمل شيء يميز الإنسان، ولكن ليست المشاعر وحدها تكفي للإقامة حياة زوجية سليمة فيجب أن تعززها بالعقل الراجح والتخطيط الجيد حتى تكون تلك المشاعر سبب سعادتك وليست سر شقائك.