السلام عليكم أنا هدخل في الموضوع على طول .. أنا بيجي في بالى أسئلة كتير أوي يعنى هو إيه النجاح؟ إزاى أعرف إني ناجحه؟ أو مين أنجح حد في عصرنا ده مثلًا؟ مش موجود مقياس هل أكتر حد الناس بتحبه، ولا أكتر حد مشهور، ولا أكتر حد مرتاح البال، كمان في ناس ناجحين كتير يعنى الدكتور ده حد ناجح بس فيه منه ملايين في العالم والمذيع اللى نفسي أكون زيه ده كما فى منه ملايين فى العالم ولا الناجح بيحس إنه ناجح بيكتفي بده يعنى بيستمتع بالى هو بيعمله فده النجاح … في أي مرحلة أعرف إنى ناجحة ده غير أنى أصلًا مفيش انجازات في حياتى كتير جبت مجموع مش بطال في الثانويه معرفتش أدخل إعلام علشان السفر ماعلينا من كل ده أنا الكليه اللى فيها بحبها تربيه قسم علم نفس، ده غير إنى حاسه أنا مش عارفه أنا إيه الميزه اللى ربنا وهبهالى حاسه إنى وسط في حاجات كتير بحب التنمية البشرية بس مش عارفه أخد كورسات بحب الإعلام والمحاوره جدًا بس ملقتش السكة لحد دلوقتي، وكمان علشان أنا مش في العاصمه أنا من اسكندريه بحب الكتابة، وبكتب فعلًا خواطر صغيره كدا وكمان قصتين صغيرين وعملت بيدج على الفيس بس مش لاقيه تفاعل ولا بعرف انشر صفحتى علشان يبقي فيها ناس تمدحنى أو حتى تنقدني، أنا طولت أنا عارفه بس آخر حاجة هقولها أنا بعدت عن 3 صحباتى اللى كانوا قريبين مني أووى وحاسه إنى بقيت لوحدى جدًا بعدت بمزاجى علشان لقيتهم وحشين بيعملوا حاجات غلط وممكن بيتكلموا على بعض من ورا بعض ايه يضمنلى انى مبقاش واحده من الى بيتكلموا عليهم من ورا ظهرهم، وكمان ارتبطوا وبخرجوا مع الى ارتبطوا بيهم لوحدهم كل ده محصلش مرة واحده طبعًا بالتدريج أنا كنت معاهم وبتعامل عادى بعد ما ارتبطوا وكانوا بيخرجوا كمان بس لحد ما واحدة راحت السينما ومحدش قالها حاجه من أصحابي يعنى بصراحه قرفت منهم أووى .. بس في نفس الوقت معنديش طاقة أدور على أصحاب ولسه هتعرف وكدا، أنا طولت أنا عارفه بس أنا نفسي حد ينصحنى أنا ماما متعرفش حاجة عن اللى جوايا، ولا أنا بعرف احكيلها حاجه؛ هى طيبة بس احنا متعودناش نبقي أصحاب أنا وماما.. بالله عليكوا تردوا عليا صديقتنا العزيزة النجاح يعني الأيمان، والنجاح يعني الحصول على مال وفير، والنجاح يعني الارتقاء إلى أعلى المناصب والابتعاد عن الخوف والتردد والفشل . النجاح يعني احترام الذات والثقة بالنفس والحصول على أحترام الأخرين . النجاح يعني الفوز دائما في كل شيء وهذا هو الهدف لكل أنسان في هذه الحياة . وأنتي يا صديقتي تمتلكين أشياء كثيرة تستطيعين أن تنجحي فيها ولكنك لم تحددي أهدافك بعد، فلابد لك من تحديد الأولويات، ثم بعد ذلك تضعي الوسائل المساعدة لتحقيق تلك الأهداف. ويجب عليك أن تستعيدي ثقتك بنفسك وتعزيزها ، فأنتي بدأتي في كتابة بعض الخواطر لك وهذا شيء جيد يدل على أنك تمتلكين أداة يمكنك النجاح فيها وأثبات ذاتك ، ولكن وظفي هذه الأداة في مكانها، ولتبحثي عن مكان لعرض هذه الخواطر ونشرها كي يتم التفاعل معها حتى تكون دفعة لك إلى الأمام. وأستعيني بالقراءة فهناك العديد من الكتب التي تساعدك على هذا الأمر مثل الكتب الخاصة بالدكتور إبراهيم الفقي. أما بالنسبة لصديقاتك ، فهم من لا يستحقون صداقتك فأنتي تتفهمين معنى الصداقة الحقيقي الجميل، ولكنك لم توفقي في أختيارك، وبمثل هذه المشاعر الجميلة ستقابلين من يستحق صداقتك ولا تبخلي على نفسك فالصداقة شيء جميل لو صحت. أما بالنسبة لوالدتك فحاولى التقرب منها ، والتودد لها وأفتحي لها قلبك ستجدينها نعم الصديق المخلص. وأتمنى لك النجاح والتوفيق.
