زواج الأقارب.....؟

السلام عليكم ورحمه الله وبركاته
أنا عندى 22 سنة وشغال الصبح مدرس كمبيوتر وبعد الظهر بشتغل ف نادى طبعًا مش عارف أبدا المشكله منين أو المشاكل عمومًا بس هاختار جزء أتكلم عنه بما انى داخل ف 23 فوالدتي شايفه انى لازم اخطب، وبابا كمان تقريبا العيله كلها شايفه ومجمعه على ده وانا ماعنديش حاجه تمنعنى بس الضغط بيبقى تقيل من ناحيه بنت عمك مننا وعلينا او بنت عمك التانيه وباباها ميت وانت اولى بدل ماحد غريب يدخل عليهم ويبهدلها ومن ناحيه بنت عمتى فاقلتلهم انى مابفكرش ف الموضوع دلوقتى وده مش حل نهائى انا عارف بس انا شفت كذا واحده من بره العيله وهما مش هايعترضوا على اللى اختاره بس خايف اختار غلط الاختيار فى حد ذاته انى اخد من بره ولو حصلت مشاكل لاقدر الله او اختارت غلط هايقولوا ماحنا قلنالك خد من العيله وخايف انى لو خدت من العيله تحصل مشاكل سعتها مش هاقدر اتكلم لانها هاتكبر ومابين الاختيارين مش عارف اختار خصوصا لو عشت التجربتين قدامك . لو كنت انا ميال شويه لبنت عمى اللى باباها متوفى لانه كان قريب منى بس هيه لسه فى 1 ثانوى وبعدين خايف تكون واخده طبع امها لانها كانت واخده عمى وعازلاه عننا وبينا وبينها خلافات هابقى اقول عليها مرة تانيه بس بردو هيه كمان تقريبا واخده طبع امها ديه حتى لما بتبقى نازله عالسلم مابتسلمش عليا قلت يمكن عشان لابسه النقاب وكده بتتكسف اما الاتنين التانيين فهى واحده ساكنه معانا ف البيت منقبه بردو ومخلصه وفى سنى وواحده فى 3 ثانوى انا روحت وقابلت عمها وكلمت باباها بس قالى لما تخلص ثانوى وصليت استخارة علشان اعرف مافيش حاجه ظهرت مش عارف اعمل ايه ساعات كتير بفكر انى اقفل الموضوع كله وساعات بحس انى عايز اكمله بس مش عارف مع مين . ومابين الاختيارين بيظهرلى اختيار تالت بقفل الموضوع او تاجيله الى ما لا نهايه
صديقنا العزيز
أولاً بالنسبة للاستخارة فبعض الناس تعتقد أنه يجب أن يرى شيء يدله على أن يقبل أو يرفض وهذا فكر خاطئ فصلاة الاستخارة ,إنك تستخير الله وتفوض أمرك له وتتوكل عليه ثم تمضي في موضوعك إذا يسره لك فهو خير وإذا لم ييسر لك فالله أبعده عنك .أما بعد فبالنسبة لموضوع الاختيار فهو لايجب أن يتوقف على مبدأ آخذ من أقاربي ولا أبعد أحسن , انما هو هل هذه الإنسانة مناسبة لك أم لا وبعد ذلك تنظر في الظروف المحيطة بها هل تتماشى معك أم لا فدعنا نتحدث عن أقاربك فمن كلامك أنك تقول أن طباع أمهاتهن لاتحبه ففكر في الأمر جيدًا وانظر للبنت ولا تأخذها بذنب أمها فكم من بنات لا يتطبعن بطبع أمهاتهن, ويجب عليك أن تضع بعض المعايير في اختيار زوجتك حتى تستطيع الأختيار الصحيح فأنت لا تختار زوجة فقط تختار شريكة لك وأم لأبنائك ثم بعد ذلك تتوكل على الله ما دمت أخذت بالأسباب فلا داعي للقلق.