نفسي أغير طباع خطيبي

السلام عليكم.. أنا مخطوبة لشخص تدينه مش أوي بيصلي بس بياخر الصلاة، كان عارف بنات قبل كده، وأخلاقه مكنتش كويسه، بس معرفش عمل إيه بالضبط، بس هو ندمان على أي حاجة عملها، أهله ريفيين ومحترمين، بس المشكله انى من المدينة، وتربيتى أفضل منه، يعنى هو ممكن يشتم بكلام مش كويس إلى حد ما، بس بسيط دى أبرز 3 مشكلات عنده، وأهمهم عندى ( هو بالنسبة للاخلاق والدين بيفضل يقولى خليكي معايا ومتزهقيش وخدى بايدى ) فى مشكلة فى شخصيته انه هايف شويه، وبيقول افيهات من الأفلام، بس مبتكنش أوى سخيفه يعنى، ولما بقوله كده بيقولى لا أنا مش حاسس انى دمي تقيل برده المشكله دى مش عارفه أنصحه فيها ازاى
مشكلتى أنى بحلم بيه علطول باحلام وحشه اننا بنزعل مع بعض أو بنسيب بعض معرفش ده من ربنا ولا من الشيطان هو ما شاء الله كويس أوى معايا وفيه مزايا كتير بس دايما بخاف من ال 3 مشكلات اللى فوق وخصوصًا لأني متدينة ومحترمة أوى ومتربية كويس، كمان أنا مش بلاقي مواضيع أفتحها معاه، ومش بيحصل مواقف تبينلى شخصيته، فخايفه اتفاجأ بعد الجواز بأى حاجه، وفى نفس الوقت مش ببقى عايزة أنكد على نفسى طول الوقت، واظن وحش فيه وكمان بفضل أقول ما هو مفيش شخص مفيهوش عيوب فيدوني ربنا يجزيكم خيرًا.
صديقتنا العزيزة
السلام عليكم.. أولاً: شروط التوبة ثلاث "الندم, التوقف عن الذنب, العزم على عدم العودة".
فخطيبك هنا ندم على كل حاجه عملها, ومحتاجك تساعديه وتأخذي بيده فيجب عليكي أن تتوكلي على الله وتجددي نيتك في رغبتك في تغيير هذا الشخص، وإذا كان هو فيه خير فعلا سوف يستجيب, ولكن الأمر يحتاج لبعض الوقت وبعض الصبر منك؛ لأنه ليس باليسير أن تغير المرأة الرجل
فاستعيني بالله وأوصيكي أن يكون دائمًا فيه أعمال مشتركة بينك وبينه كالأتفاق على موعد معين لأداء عبادة معينة مثلا أو رسالة تذكيرية عند موعد الصلاة وعليكي أن تبتكري في الأساليب، وأحذري أسلوب الأمر فالرجل لايحب من يأمره حتى لو كانت أمرأة يحبها , فأجعليه يفعل الشيء الذي تطلبيه منه وكأنما هو الذي يفعله بأرادته, وأعلمي جيدًا أن المرأة إذا أرادت شيء من الرجل تستطيع بطريقتها الجميلة أن تجعله ينفذ كل ما تحب، فتخيلي لو كان ذلك في الخير فبأذن الله سيوفقك لما يحب ويرضي والله غالبا على أمره.