غشّشته فهو نجح وأنا سقطت.. عايز كلية سهلة

أنا طالب في كلية هندسة طيران اللي في إمبابا، في سنة ثالثة، قسم هندسة مدنية.. والنتيجة طلعت، ورسبت، ونفسي قَفَلت من الكلية لأنه اتّضح لي إن بسبب إن الامتحانات شديدة الصعوبة؛ فنسبة الرسوب كانت عالية؛ فنجّحوا الناس بشكل عشوائي.. وبالرغم من إني ناجح في أعمال السنة وفيه ناس مش جايبة نص الدرجة هم نجحوا وأنا سقطت.
طبعاً مش عارف إزاي؛ حتى اللي كان جنبي في اللجنة كان ساقط في أعمال السنة، وحالل نفس اللي أنا حليته أو أقل في الامتحانات، وده غير إن أنا غشّشته؛ فهو نجح وأنا سقطت.
الحمد لله على كل حال؛ بس أنا كنت عاوز رأيكم.. أنا بافكر أحوّل من الكلية، وأروح كايرو كولدج، أنا باسمع إنها سهلة، وكمان هيدخّلوني على رابعة على طول، والمواد اللي أنا شايلها هاخدها في السمر كورس، هي برضه معتمدة من المجلس الأعلى للجامعات، وبتقدم كارنيه النقابة؛ بس حد عندي من العيلة بيقول إن كايرو كوليدج دي مش كويسة.
أنا محتار بصراحة، ومستخسر السنة اللي هاعيدها.. هل أحول للكلية التانية؟ ولا أعيد السنة، وخلاص باقي سنتين وهيعدو؟

m


لو عايز تفضفض لنا دوس هنا