نظرية "يا صابت يا خابت" لا يُمكن أن تنطبق على الحب

السلام عليكم.. أنا فيه مشكلة عايزة آخد رأيكم فيها، ويا ريت مشكلتي تنزل على الموقع علشان أعرف رأي الناس كمان؛ مشكلتي باختصار إني كنت معجبة بواحد زميلي، بس ما كلمتوش خالص، المهم هو كان مِن بلد كده، فدخلت على النت علشان أشوف البلد دي ظروفها إيه، فلقيت ناس سايبة إيميلات من نفس البلد، كلِّمتهم علشان أسأل عليه، وعلى أخلاقه إيه، المهم لقيت إنه خطب، والموضع انتهى بالنسبة ليّ، بس أنا لسه باتكلِّم مع واحد مِن أصحابه على النت، وقلت له على الموضوع ده، وحصل استلطاف بيني وبين صاحبه، وهو طلب مني إنه يقابلني، ولو حصل قبول الموضوع هيمشي.

بس أنا خايفة إن يكون بداية تعرّفي بيه إني كنت باسأله عن صاحبه تأثّر فينا، رغم إنه قال لي إنه متفهّم ده؛ لأن ما حصلش بيني وبين صاحبه أي حاجة، وكمان المشكلة التانية إنه أصغر مني بسنة ونص، بس إحنا الاتنين ظروفنا كويسة، وبنشتغل، ومن الناحية المادية كويسين.

أنا بس عايزة رأيكم، أوافق أقابله وأدِّي نفسي فرصة ولّا مافيش أمل أساسا، والمفروض أبعد وأقفل الموضوع ده؟!! أتمنّى تردُّوا عليّ رأيكم هيفيدني كتير.. شكرااا!!

lonely

لو عايز تفضفض لنا دوس هنا