أنا حبيت واحد أوي، وقعدنا مع بعض 4 سنين.. في أول سنة كان بيحبّني حب جنون. وتاني سنة كان بيحبّني؛ بس أنا أكتر، وكان لما يقع في مشكلة أحلها له، وكنت ما باخرجش غير لما أقول له، وبالبس اللي يقول عليه، وكان ساعات يبقى عنده مشاكل مادية، وأنا كنت بادي له. وفي ثالث سنة سافر ودخل معهد، وكنت أنا باتصل بيه على طول، وباشوف أحواله، وهو ماكانش بيتّصل بيّ ولا مرة.. واتغيّر خالص. وبعد كده بقى يزعق لي ويبعد عني من غير سبب.. ولما قطعت اتصالاتي رجع تاني واعتذر لغاية ما سامحته، وبعدين رجعت ريما لعادتها القديمة. وبعدين اكتشفت إنه بيخونّي مع واحدة من البلد اللي سافر يدرس فيها، وبعد ما واجهته أنكر.. وابتدى يتّصل بيّ ويغيّر معاملته؛ بس أنا مش قادرة أرجع زي الأوّل.. وهو ندمان على كل حاجة وحشة عملها. أنا بحبه؛ بس متضايقة من اللي عمله، وخايفة أرجع زي الأول يروح يرجع يعاملني وحش تاني، وخايفة أستناه، يروح يخونّي تاني ويتجوز غيري. هل أرجع وأبقى زي الأوّل وأنسى اللي فات، ولّا أبعد عنه؟ عاوزة أعرف أعمل إيه. d