أنا عندي مشكلة ما حدش يعرف عنها حاجة غير قليل من أصدقائي.. أنا بنت عندي 20 سنة، عمري ما كان ليّ أي علاقة بأي ولد في أي مكان ولا حتى زمايل.. السنة اللي فاتت حصل حاجات خلتني أرتبط بواحد وحبّيته جداً، ومرت سنة و4 شهور وإحنا بجد كويسين جداً، ووعدني إنه هيتقدم بعد سنتين؛ ولكن مع الأسف سقط، وبسبب الظروف دي هو كل اللي حاسه إنه هيظلمني وهيتعبني، وقال لي: أنا ما أرضاش إني أعمل فيكِ كده. حاولت معاه كتير إننا نبقى مع بعض، كان بيرجع، وبعدين يقول لي تاني: أنا كده باظلمك، إنتِ ليه مش عايزة تفهمي إني بحبك فعلشان كده مش هاظلمك.. أقول له: لا إنت مش بتحبني.. يقول لي: أنا ممكن أفضل أكلّمك وكل حاجة؛ بس افرضي ما كُنّاش لبعض؟ يبقى أنا كده باتسبب في إيذائك. لو سمحتوا، أصدق كلامه؟ ولا أصدق نفسي إنه كان بيضحك عليّ قبل كده وما كانش بيحبني أصلاً؟ tota لو عايز تفضفض لنا دوس هنا