شهادته لن تعيبه ما دام رجلا ولم يكتفِ بكونه ذكرا

بعد السلام والتحية أنا بجد باحترم آراءكم جداااااا وباستناها.. بصراحة أنا كنت عايشة حياتي كلها بدون حبّ وماكنتش بافكّر في الحب أصلا، أنا عندي 21 سنة وكام شهر، وكنت باقابل ناس كتير وبيتقدم لي كتير، بس أنا ماكنتش باحس بحاجة، وكان فيه واحد معايا في كورساتي، وكان مهتمّ بيّ أوي، وصارحني بحبه ليّ، وأنا كنت معجبة بيه، وبصراحه الوحيد اللي عرّفني إزاي أحبه، وخلاني بجد أتأكد إني بحبه، ويمكن هو بيحبني أكتر بس أهم حاجة إني حبيته؛ لأن كان صعب أوي إني أحب.
ودلوقتي أنا وهو مع بعض، وكمان مش بنخبّي على بعض حاجة بس حصلت مشكلة، وهي إن المفروض إن إحنا هنكمّل ونقدّم على معادلة علشان ندخل تجارة، وأنا وهو متحمسين أووي بس هو خايف يكون طالع بمادة؛ لأنه مش حلّ فيها كويس، ولو حصل ده مش هينفع يكمّل ويقدّم في المعادلة، وبالتالي مستقبله يكون خلاص.. أنا بقى المفروض موقفي يبقى إيه لو حصل ده؟ أكمّل في المعادلة بس بالتالي هابقى أعلى منه في المستوى التعليمي، ولا أكتفي بكده وأختاره ويبقى مستقبلنا واحد؟
بليز محتاجة ردّ وكمان عايزة أعرّفكم إنه أصغر مني بكام شهر، ويا ترى أنا صحّ ولا لأ؟ مع إني مقتنعة وبجد عايشة أيام حلوة أووي؛ لأني بجدّ بحبه ومتأكدة إنه بيموت فيّ، ويا ترى اللي هيبعد بينا هي الظروف؛ لأن مافيش غيرها اللي هيقف في طريقنا؛ لأننا واثقين من حبنا بجد.. يا ريت أعرف رأيكم؟؟

tota

لو عايز تفضفض لنا دوس هنا