حب المراهقة قد يكون حقيقياً لكنه بلا مسئولية

أولا أنا عندي 16 سنة.. أنا بحب واحدة بقالي سنتين وصارحتها وهي قالت لي إنها بتحبني، وهي قدي، وأنا مريت بتجارب حب كتيرة، وكلها فشلت، بس أنا عارف إنه كان حب مراهقة، بس دي أنا حسيت معاها بإحساس غريب جدا، وكنت بحبها جدا، ولما كانت بتحصل بيننا مشكلة كنا بنتصالح على طول، وأنا مش باقدر على بعدها.
في التيرم الأول حصلت مشكلة كبيرة بيننا، وسبنا بعض لمدة حوالي شهرين، كان قبل امتحان التيرم ب3 أسابيع وأنا ما عرفتش أركّز وجبت درجات وحشة، وبعدين رجعنا لبعض تاني، وهي اللي اتصلت واعتذرت، ولأني بحبها جدا طبعا قبلت، وبعدين إحنا ساكنين بعيد عن بعض، مش بنشوف بعض غير في الصيف أو أيام قليلة في المدارس.
جت التيرم ده كمان قالت لي خلينا إخوات وكده، أنا قلت لها ليه؟ قالت: كده خلينا نبعد عن بعض علشان كل واحد يشوف مشاعره تجاه التاني، وأنا أهو عدى أسبوع واحد وهاموت وأكلمها وطبعا مش هينفع لأني واثق إنها خلاص ما بقتش بتحبني، علما بأني قايل لبابا وقايل لماما وأختى وجميع أقاربي؛ لأني كنت متوقع إنها هتكون شريكة حياتي في المستقبل من كتر حبي لها.
قولوا لي أعمل إيه أحسن أنا مش باذاكر من كتر التفكير فيها؟ ويبقى اسمه إيه الحب ده.. حب مراهقة ولّا حب بحق وحقيقي نابع من القلب؟؟
mody
لو عايز تفضفض لنا دوس هنا