وخدعتني امرأة

أنا شاب أبلغ من العمر 23 سنة حبيت من 2004 - يعني حوالي 5 سنوات - بنت أصغر مني بثلات سنوات، البداية عندما كنت عند أحد أصدقائي ويعمل مدرساً كنت أذهب إليه لكي أراقب له في الامتحانات على الطلبة وأجلس معاه نتكلم، وكنت ألمح بنتاً تراقبني بالنظرات، وفجأة وجدت الموبيل في يوم آخر بيرن، رديت عليه لقيتها هي اللي بتتكلم بس مش عاوزة تقول اسمها، بس أنا عرفتها وقلت لها: إن أنا أعرفها. المهم إن البنت دي طلبت مني إني أقابلها، وأنا كنت بارفض، واعترفت لي بأنها بتحبني في المكالمة الأولى.
بعدها أنا وافقت أقابلها وبعد فترة طويلة اعترفت لها إني بحبها، وبدأ الوضع يتغير، هي كانت بتحبني زي ما بيقولوا (حب امتلاك)؛ بس بعد كده أنا اللي حبيتها حب امتلاك وحصل بيننا بعض التنازلات، المهم إن الفتاة دي حاليا بعدت عني ولم تعد تفكر فيّ؛ حتي أنها لا تتصل بي أبدا وأنا اللي باتصل بيها، وانفصلنا بعد كده؛ لكن أنا برضه بحبها ومش قادر أستغني عنها، وكنت باتصل عليها بحجة إني باطمن عليها، وكل شوية نرجع لبعض ونسيب بعض؛ بس أنا حاسس إنها مش بتحبني، وباشوفها بتتكلم أوقات كتيرة في الموبايل، أنا حاسس إنها بتحب واحد تاني؛ بس أنا مش متأكد وأنا تعبان جدا لأني بحبها جدا ومش عارف أخليها ماضي، أعمل إيه؟ أفيدوني؟
M