السلام عليكم.. أنا مرتبطة بواحد كويس جداً؛ بس أنا عارفة إن علاقتي بيه حرام؛ رغم إن علاقتنا مجرد كلام في التليفون مش أكتر من كده خالص، وكمان مش كتير؛ يعني ممكن نقعد أسبوع مش نتكلم مع بعض وبيبقى عادي، وهو كمان عارف إن ده حرام. بس أنا عاوزة أعرف هو أنا لو سيبته لأني خايفة من ربنا لأني عارفة إن كلامنا مع بعض بيغضب ربنا وأنا متأكدة إنه في الأول وفي الآخر نصيب، ولو هو ما كانش نصيبي يبقى ده معناه إني بكلامي معاه وعلاقتي بيه يبقى كده باخد من حق الإنسان اللي هيبقى جوزي لأني مش متأكدة إن الإنسان اللي أنا مرتبطة بيه هيكون نصيبي ولا لأ.. هل كده أبقى ظلمته؟ والله هو كويس ومحترم جداً؛ بس أنا خايفة وعاوزة أعرف يبقى أنا كده ظلمته معايا لو سيبته لأني لاحظت في معظم الردود على بعض المشكلات زي مثلاً واحد ساب واحدة أو العكس، بيكون الرد دايماً إنك ظلمتها وإن ربنا هيحاسبك، وكما تدين تدان. والله العظيم هو إنسان رائع؛ بس أنا كل خوفي من ربنا إنه يحاسبني إني باكلمه، وبالتالي ما يكونش هو نصيبي ووقتها أنا مش هاستحمل نظرة منه بعد كده حتى لو قابلته صدفة.. هو أنا صح ولا غلط؟ h