بسؤاله هتعرفي ناوي يكمّل ولا "بيزهّقك" علشان تيجي منك

أنا مشكلتي إني تايهة ومش عارفة أعمل إيه؟ ومحتاجة حد يساعدني.. حتى مش عارفة أبدأ منين.
أنا كنت بحب شاب وهو كمان بيحبني وقاعدة فترة تعارف وحب كبيرة، ومن قريب خالص جه وقابل أهلي، وخلاص اتفقنا على الخطوبة.
المشكلة إنه اتغير خالص من ناحيتي، مش هو البني آدم اللي أنا حبيته، مش بقى ملهوف عليّ ولا مهتم بيّ زي الأول؛ حتى زعلي مش بقى يهمه.. أبسط حاجة الكلام الحلو باحاول أسمعه منه ومش بيقوله.
حاسة إنه اتغير ليه مش عارفة؟ نفسي أحس إنه بقى قريب مني.. مش بقى يحكي لي حاجة عن نفسه، زي ما أكون غريبة بالنسبة له؛ حتى لما أسأله في حاجة يقول لي سيبيها لوقتها ربنا يسهل.
بجد أنا بحبه أوي، نفسي أهمله وأطنّشه زي ما هو عامل كده؛ بس إزاي، مش عارفة، بحبه بجنون، مش بافكّر في أي حد في الدنيا دي غيره هو.. أعمل إيه؟
momo

لو عايز تفضفض لنا دوس هنا