حبس ابنة المعلمة "نعمة" لحيازتها 40 كيلو حشيش بإمبابة

"أنا معرفش حاجة هما اللى قالولى، أنا كنت موجودة فى الشقة ووالدتى سابتنى وقالتلى أنا رايحة مشوار، وبعدين لاقيت الباب بيخبط وفوجئت أن فى واحد معرفوش بيقولى أنه من طرف "ماما" ومعاه كراتين عايز يطلعها الشقة، وقالى انزلى استنى جنب العربية النقل لحد ما نطلع الكراتين وبعد ما نزلت استنيت جنب العربية وطلع هو وواحد كان معاه معرفوش برده كان بيساعده ولما طلعوا الكراتين مشيوا بسرعة، فطلعت الشقة وقفلت الباب واستنيت لكن بعد دقايق لقيت الباب بيخبط تانى، وكنت بحسب أن ماما رجعت أو أن الراجل بتاع الكراتين رجع تانى، لكن لقيت ناس كتيرة وقالولى إنهم ضباط مباحث من قسم إمبابة وفتشوا الكراتين لقوا فيها حاجات قالولى إنها مخدرات، لكن أنا معرفش حاجة ومليش علاقة بالموضوع ده".
تلك الاعترافات جاءت على لسان "آية.ب.م" 14 سنة، المقيمة بمنطقة إمبابة أمام أحمد دبوس رئيس نيابة إمبابة أثناء التحقيق معها لاتهامها بالاتجار بالمواد المخدرة، حيث وجه لها تهمة حيازة والاتجار بالمواد المخدرة لكمية 40 كيلو من مخدر الحشيش وأمر بحبسها 4 أيام على ذمة التحقيقات وسرعة ضبط وإحضار باقى المتهمين.
كان اللواء محمود فاروق مدير المباحث الجنائية بالجيزة قد وردت إليه معلومات عن طريق مصادره السرية تفيد بانتشار المواد المخدرة بمنطقة إمبابة على يد ربة منزل وبعض شركائها، وأنها تقوم بترويجها على تجار التجزئة بالإضافة إلى تردد متعاطى المخدرات على مسكنها للشراء وبجمع التحريات تبين للرائدين محمد الشاذلى ومحمد غراب معاونا مباحث قسم شرطة إمبابة أن المتهمة تدعى المعلمة "نعمات.ع" 55 سنة ربة منزل وشريكها المعلم "أبو رواش.ر" 33 سنة جزار سبق اتهامه فى 6 قضايا وراء ترويج المخدرات بمنطقة إمبابة واتخاذهما من مسكن المتهمة مكانا لترويج وتخزين الممنوعات التى يتاجران بها وبعد استكمال التحريات وجمع المعلومات تم إخطار اللواء محمد الشرقاوى مدير الإدارة العامة لمباحث الجيزة الذى أخطر نيابة إمبابة، وتم الحصول على إذن لمداهمة وكر المخدرات بمنزل المتهمة، إلا أنه لم يتم ضبطها، حيث تركت المكان قبل وصول رجال المباحث بدقائق وتمكن المقدم علاء بشير رئيس مباحث قسم شرطة إمبابة من ضبط ابنتها "آية" 14 سنة وبتفتيش الشقة عثر بداخلها على 16 كرتونة وبتفتيشها عثر بداخلها على كمية من مخدر الحشيش بلغ وزنها 40 كيلو مقسمة ل160 طربة.
وبمواجهة المتهمة أمام العميد عرفة حمزة رئيس مباحث قطاع شمال الجيزة والعقيدين درويش حسين ومصطفى كمال، أنكرت ما نسب إليها من حيازة المضوطات للاتجار بها، ونفت علمها بوجود المخدرات بالشقة، فحرر محضر بالواقعة وأخطر اللواء عبد الموجود لطفى مساعد وزير الداخلية لأمن الجيزة الذى كلف رجال المباحث بسرعة ضبط المتهمة وشريكيها الهاربان، وأمرت النيابة بحبس الفتاة وباشرت التحقيق.