الرئيس السيسي: مشروعات التطوير بمطروح خطوة على طريق التنمية

16
قال الرئيس عبدالفتاح السيسي، إن الدولة المصرية تنفذ مشروعات فى محافظة مطروح والمنطقة الغربية في إطار البناء والتطوير.
وأضاف خلال لقاءه مع أهالي مطروح اليوم: "واخدين بالكم احنا مهتمين أوى وشغالين كويس أوي.. واقدر أقول المشاريع المستهدفة واللى بنفذها فى محافظة مطروح.. سواء مشاريع زي الموانئ أو القطار السريع.. أو المدن الجديدة.. احنا كمواطنين وطبيعة المحافظة اللى هى فيها شكل معين بتعيش بيه.. هيكون له تأثير كبير اوي خلال المرحلة دى".
إقرأ أيضاً
* الرئيس السيسي: سنتجاوز التحدي الاقتصادي وسيتحول لماضي مثل الإرهاب
* الرئيس السيسي: 15 مليار جنيه تكلفة إنشاء الطريق من السلوم إلى مطروح
وتابع: "لما جيت من سنوات افتتح ميناء جرجوب جيت بالطائرة.. والنهاردة جيت بالطائرة برضه علشان اشوف شكل الدنيا عامل إزاي بعد 4 سنين.. وادى لنفسى فرصة اشوف.. فيه تطور كبير.. خطوة على الطريق.. التطور اللى بتعملوا والدولة بتعمله.. بنتكلم عن مدن جديدة وعلشان الناس تقول القطار السريع اللى هيجي لغاية جرجوب.. او هيطلع لغاية السلوم.. يعني هنستفيد إيه.. لا طبعا فيه استفادة.. وحتى مع منفذ السلوم.. الهدف تسهيل حركة التجارة مع الأشقاء في ليبيا.. وفيه منطقة لوجيستية 250 – 300 فدان جنب المنفذ.. كل فرص العمل.. بتوفر تطور وتنمي محافظة مطروح".
وأكد على اهتمام الدولة بمشروعات التنمية فى مطروح قائلا :"إن كان فيه فترة من الفترات لم يكن هناك فرصة للدولة أن تهتم بأهالى مطروح أتصور إن شاء الله بما نتحرك فيه الآن سيكون هناك اهتمام وجهد".
وطالب بتنظيم تواجد قبائل مطروح، قائلا:"نحتاج أن ننظم التواجد للقبائل الموجودة طبقا لأعرافهم كى يكون لدى الدولة فرصة لتقديم الخدمات سواء التعليم أو الصحة وغيرها من الخدمات وتقدميها بشكل أفضل مما هى عليه الآن".
وقال إن الدولة المصرية منذ 10 سنوات تعمل بشكل كامل للتطوير والبناء فى كل مكان، متابعا: "مفيش مكان فى مصر إلا وفيه شغل بيتعمل لصالح مواطنى مصر بالكامل.. كان فيه خطة ورؤية للدولة تجاه شكل الدولة المصرية حتى عام 2030 ".
وأضاف "مدينة العلمين ورأس الحكمة وأى مدينة ننفذها على امتداد الساحل يكون بها مدارس ومناطق صناعية ومستشفيات وأشياء أخرى".
وأكد على أهمية مشروعات تطوير سيوة، قائلا: "كنا من كام يوم نقول إن مشروع سيوة والصرف الزراعى المشروع تأخر كثيرا ولكنه خلص وأنقذنا الواحة بفضل الله من مصير كان صعب أوي".
وأضاف: "لا يوجد شهادة وفاة لأى حاجة في مصر طول ما أحنا مع بعضنا، وواحة سيوة لها تاريخ كبير في حياتنا، وتم حل مشكلة سيوة، والمشروع أخذ 3 سنوات وأكثر".
وتابع الرئيس السيسي: "أقول لأهالى سيوة ما تم عمله حافظوا عليها والآبار التي كان الأهالي بيعملوها عملنا نظام وعلينا أن نحافظ عليها كمجتمع سيوة ومجلس المدينة الخاص بها وأن ينظم هذا الأمر كى نستعيد الواحة مرة أخرى أفضل مما كانت إن شاء الله".
ونوه بأن الدولة المصرية خلال السنوات القليلة الماضية تعرضت لأزمتين "أزمة كورونا".. وأزمة حرب روسيا وأوكرانيا، موضحًأ: "الازمتين دول مكناش سبب فيهم.. أزمة كورونا كان لها تأثير كبير على العالم.. احنا مش السبب فيها.. حتى الحرب الروسية.. واحنا ما أخدناش قرار ورطنا الدولة المصرية.. وبالتالي انعكاس ده القرار الصعب والخطير أو أي إجراء فيه عدم رشد من الدولة".
وأضاف: "احنا في أزمة وبنتكلم بمنتهي الوضوح.. والأزمة تحدي من ضمن تحديات.. زي تحدي الإرهاب من 2011 و2012.. والناس كانت بتقول الموضوع هيخلص ولا لا.. واستنزاف شباب مصر.. وحالة عدم الاستقرار.. وكنت بقول بفضل الله هيخلص.. وبالمناسبة فيه برنامج تطوير كبير لأهلنا في سيناء.. وده حق لهم وبتكلم علشان الرسالة توصل لهم".
الرئيس عبدالفتاح السيسيمحافظة مطروحمشروعات التنميةواحة سيوة