بين الفقر والجوع ..بقلم : أحمد عرابى

مفيش مسافات.
النوم في العسل
زي.. العسل
زادنا كسل…
وزاد وحصل.
وسنين كتيرة . م.. الفشل.
نص الحياه .. عسل..
ونص..مر..و للحلقوم.. وصل
نايمين نوم.. أهل الكهف.
راحوا.. الغلابه.. ملهمش اهل.
خراب. وغلي. . واكوام تراب
كل يوم حادثه. كل يوم وكسه
كل يوم.. أزمة…
وشعور حزين. زمان.. . بالنكسه..
دم بقى… رخيص.
ع كل قضيب.. و رصيف..
يغور الغلبان في كسعه..
دنيا. ضويقه اه ..و. ذمتها. واسعه
في المعيشه.. . كتير إهانات.
ع كل شكل ولون..
بين الفقر.. والجوع..
مفيش مسافات
مفيش خد.. كله.. هات.
مريض مستني.. دوره.
َوغلبان باع عياله… وهدومه .
ويلعن.. .. الحياة .
وشقيان مستني فرج. .
..و فجأة.. مات..
وسط شمس محرقه
.. وسط دنيا مفرقه..
يوم وعدي… وفات..
النوم في العسل.
. شريط ذكريات.
ألبوم صور.. كله. .
متاهات..
ناس قبلنا.. استنوا دورهم.
وناس قبلنا..
باعوا هدومهم…
قله ضمير..
وهم كبير…
ملعون ابوا. الروتين.
ومن.. التراب والطين
اتخلق بشر .. بني ادمين.
ودنيا ناسها.. وكله ناسها.
شالوا.. الضمير.. من اساسها..
مات احساسها..
بين حقيقتها و هواسها..