أنا المصري .. اهداء الى الفرعون المصري الجديد رئيس الجمهوريه

قول أنا المصرى
أنا المصرى حافظ تاريخ بلادى
قول أنا فى عصرى
شهدت الثوره ضد الأعادى
قول أنا فى قصرى
رجعتلى الكرامه يا أولادى
قول أنا المصرى
بقولها من غير أحزان
من غير أوجاع أو حرمان
ثورة بلدى فى كل مكان
جعلت مصر فى عصر أمان
جعلت مصر فى ثوب جديد
جعلت مصر لبست فستان
فستان الزفه مستنى العريس
طيب يا عريس
دق طبولك ياللا نهيص
وإوعى فى يوم تنسى إنك مصرى
وقول انا المصرى
قول أنا مصرى جاى بالخير
للإنسان وكمان للطير
هازرع زرعه فى كل وادى
يحصد منها وزير وغفير
ياكل منها كبير وصغير
تكفى الشعب وتملى البير
والشعب يغنى ويقول أنا مصرى
ريسنا مصرى وإبن مصرى
مش تقليد
ولا جنسيه جايه من بعيد
لأ ياحفيد
دا الفرعون المصرى الجديد
قولها بكل فخر وعيد
قول أنا المصرى
وقول انا المصرى
وإوعى يامصرى تفكر تخون
لحسن تلقى كل الكون
فوق راسك نازليين بالشوم
وساعتها هاتلعن إنك مصرى
وتقول ليه كنت بخون
زمن الطيبه ولىّ وفات
الموجود دلوقتى أهات
آهات حريه
آهات وطنيه
بث حصرى
عند الشعب المصرى
قول أنا مصرى
قول أنا مصرى ومش هاخاف
لا من إرهابى ولا من خطاف
ولا من دوله تعملى غلاف
نسخه بديله عنوانها الآتى
إركع طاطى خليك واطى
لليهوديه تغتال نصرى
قول أنا مصرى
قول أنا مصرى
قول أنا مصرى ومايهمنيش
غير شعبى يعرف يعيش
يعرف يلاقى لقمة العيش
ويغنى الشعب ويغنى الشعب
ويقول أنا مصرى
ريسنا مصرى وإبن مصرى
قول أنا مصرى