الشاعر حسن البدوي يكتب : حرامي الدولة

وقف أمام القاضي (علي بابا وأربعين حرامي)
فسأل الأول:
ما اسمك ؟: (علي بابا ) يابيه
ما وظيفتك؟ زعيم سابق وقرصان
ما تهمتك؟ حرامي الدولة يابيه
من كام سنة تسرق يا حرامي؟
30 سنة يابيه والله غلبان وحزين
مظلوم يابيه حرام يا بيه أنا غلبان
دول 70 مليارفي سويسرا وفرنسا
وكام فيلا في مارينا وعمارتين
وحتة أرض بور وكام شقة وقصر كمان
كذبت * خذوه إلى السجن وإلى السجان
ولا تتركوه حتى يقر بما كان في الميدان
***************************
وسأل الثاني:
ما اسمك * (أحمد نظيف) يابيه
وأين النظافة أيها اللص الجبان؟
ما وظيفتك : وزير سابق وقرصان
ما تهمتك ؟ حرامي الدولة يابيه
مظلوم يابيه يتيم يا بيه أنا غلبان
دول 60 مليار وكام سبيكة دهب
وكام فيلا في مارينا و80 فدان
اسكت يا خسيس يا لص يا جبان
خذوه واضربوه حتى يقر بما كان
***********************
وسأل الثالث:
ما اسمك؟ (أحمد عز) يابيه
وأين العز أيها اللص الجبان؟
ما وظيفتك؟ حرامي الدولة يابيه
ما تهمتك؟ حرامي يا بيه
مظلوم يابيه يتيم يا بيه أنا غلبان
دول 50 مليار في سويسرا
وكام فيلا في مارينا و70 فدان
وكام سهرة حمرا في مصر واليونان
وكام سيخ حديد وعمارة وقصر كمان
اسكت يا خسيس يالص يا جبان
خذوه واضربوه وقيدوه في الحديد
ولا تتركوه حتي يقر اللص القرصان
***********************
وسأل الرابع:
ما اسمك ؟( صفوت الشريف)
وأين الشرف يا قواد يا جبان؟
ما وظيفتك؟ وزير سابق وقرصان
ما تهمتك ؟ قواد الدولة يابيه
يا قواد يا لص ملعون من كل إنسان
مظلوم يابيه حرام يابيه أنا غلبان
دول كام سهرة حمرا في مارينا
وشوية بودرة وأفيونة وكام فنجان
وكام فيلا وشقة واحدة و60فدان
خذوه واضربوه وعلقوه في الميدان
ولا تتركوه حتى يتوب اللص الجبان
************************
وسأل الخامس:
ما اسمك ؟ (فتحي سرور)
كذبت فأين السرور أيها القرصان؟
ما وظيفتك؟ مش عارف يابيه
ما تهمتك؟ مزور الدولة يابيه
مظلوم يابيه حرام يابيه أنا غلبان
دول كام عضو مزورين في البرلمان
وكام فيلا في مارينا و50 فدان
وحتة أرض زور وعربية حمرا كمان
خذوه واضربوه وعلقوه في الميدان
***********************
وسأل السادس:
ما اسمك؟ (زكريا عزمي)
ما وظيفتك؟ سيكا يابيه
ما تهمتك؟ نصاب الدولة يابيه
مظلوم يا بيه حرام يابيه أنا غلبان
دول كام بريزة من الست عزيزة
مرات علي بابا وكام فيلا في مارينا
وكام سهرا حمرا في الشرم كمان
وكام شقة وحتة أرض و40فدان
خذوه واضربوه وعلقوه في الميدان
************************
وسأل السابع:
ما اسمك؟( حبيب العدلي)
كذبت فأين الحب منك أيها الجبان؟
وأين العدل منك أيها السفاح الحيوان؟
ما وظيفتك؟ مجرم سابق يابيه
ما تهمتك؟ سفاح الدولة يابيه
مظلوم يابيه حرام يابيه أنا غلبان
دول كام قتيل في وسط الميدان
وكام فيلا في مارينا و30 فدان
خذوه وفي سلسلة من الحديد قيدوه
وإلى التحرير خذوه ثم اشنقوه
ولا تتركوه حتى يموت السفاح الجبان
************************
وسأل الثامن:
ما اسمك؟ (جمال علي بابا)
ما وظيفتك؟ حزب وطني يابيه
ما تهمتك؟ حرامي الدولة يابيه
مظلوم يابيه يتيم يا أنا غلبان
دول كام سبيكة دهب و20 مليار
وكام شقة بسيطة وعمارتين
وكام فيلا في مارينا و20 فدان
وانا واخويا غلابة يابيه من زمان
خذوه وعلقوه اللص الجبان
ولا تتركوه حتى يعترف القرصان
ويا حرامية مصر في كل مكان
موعدكم يوم القيامة أمام الرحمان
يوم يوضع بين الناس العدل والميزان
يوم يوضع بين الناس العدل والميزان