شهرزاد الثورة ..الحلقة الحاديه عشر من الألف

(أنا الريس)
وقالت شهرزاد
كان يا مكان من ييجى 100 سنه كمان
مش فى الوقت الحالى ولا الأن
كان فيه شاعر قال على الثورة ألحان
والشعب عاش من ريس ولا سجان
والفتن زادت وكترت زى البركان
قل عقله وقال أعديهم بر الأمان
قال أرشح نفسى زى كل الشبان
قالوا عليه عميل وقالوا كمان جبان
هتقول أيه ياريس كلامك بتنجان
شويه كلام وخلص ..بس بلاش جنان
هتعمل فيها ريس وتعادى الأمريكان
شكلك بقيت مهيس وعايش فى التوهان
دأنا لو كونت الريس هتعيشوا فى الروقان
هتنسوا الفول والترمس وأنصف التعبان
ولمصر أفضل أخلص ونعدى الأمان
والقادر يدى المحتاج والفاضى يكب ع المليان
والأيد فى الأيد ونبنى نرجع زى زمان
تعالوا نحلم سوى نرسم حلم السنين
مصر هتكمل بينا للحق جوانا حنين
نبنى ونرجع سوى حق الشرفا المظلومين
وبقول حقى ياريس أنى أعيش فى أمان
مش عشان ريس تعيش فيها بالمجان
لازم تعيش مع أهلها وتعرف الأحسان
لازم تعالج فقرها وتشغل العطلان
أنسى خلاص وأنتهى الوعد بالبطلان
مش هقول أنا ريس فيه 80 مليون أنسان
عايزين ريس مش عايزين بغبغان
لاهتثبتنا ولا هتورطنا فى العدوان
أنا الريس وعلى قلمى أنا سلطان
مش هحكم فى البلادى عشان كرسى الطغيان
ولا بعرف السياسه ولا ناوى أعمل عصيان
مصر هيا القداسه ومزكورة فى القرأن
وكل أهلها يعيشوا فيها أمنين
وكل اللى ناوى يضرها بيموت حزين
وبدعى يارب يحميكى ليوم الدين