أنا مصري

أنا مصري
ببلدي مصر بتباهي
مهما قالوا الغير
مهما كان حالها متاهه
أو قل فيها الخير
حبه رملها بألف سواها
وإسألوا الشجر والطير
إسألوا كل إللي عداها
يبكولكو ع المصير
أنا مصري
ليها دمي نجمه ف سما الليل
ليها عمري دمعه في المنديل
مصر تاجي وإسألوا الهرم والنيل
أنا مصري
سيد الدنيا وعمري ما حبقي ذليل
مصر يا ناس
ياما وقفت مع ضعيف غلبان
ياما سدت جحور لديدان
النهارده تحت عباية الهوان
صوت الجبنا بيعلي
شمتت ف مصر فران
بعد ما غنت لبلدي
أعلي وأشرف الألحان
انا المصري
ياتاريخ إوعي تنسي
أشرف الأوطان
إياك يا زمن تأسي
وتنسي ملكة الإحسان
إن كانت جريحه حتشفي
إن ملاها البرد حتدفي
لو غلبها غضبها حتهدي
ونرجع لتاني نعيد ما مكان
نعيش زمان العزه والمجد والسلطان