كنت بحلم بتوب جديد

من زمان يا مصر كنت بحلم
كنت نفسى أشوفك بتوب جديد
توب أبيض مطرز بالعدل فوق الجميع
توب شفاف من غير زراير من حديد
توب منقوش ب85 مليون قلب أبيض
زى اللبن الحليب
قلوب متداخله متشابكه بالحب والموده
من غير سواد ولا ضغينه ولا مكابره
توب مغسول بمية نهر النيل
توب منسوجه خيوطه بقطن مصر
طويل التيله بين كل قطن العالم فريد
توب مطرز بسنابل القمح البلدى
ولا فيه سوس ولا حشرات بتأزى
توب معطر بعطر بساتينك
من غير ريحة كماوى ولا مرض معدى
سرطان كبد وبائى فشل كلوى أكيد
توب خالى من الأعلام المزيف
توب خالى من الفساد المسيس
توب خالى من قروض البنوك
توب خالى من الأطماع التى بلا قيود
توب خالى من حزب واحد بدون مسأله
توب أطرافه أحزاب مسئوله محترمه
تقول للأعور إنت أعور من غير مجامله
توب شفاف يا بلدى جديد
ولما الحلم إتحقق مكنتش مصدق
إلا لما صحيت من نومى
وعرفت إن يوم التلات 25 يناير
شباب شوفته واقف ثاير
مصممين يلبسوكى التوب الجديد
والله يا حبيبتى كنت فرحان وسعيد
ربنا يحميكى يا مصر بشبابك
وبشعبك الرائع الأصيل
وجيشك إللى حرر أرضك
فى السادس من أكتوبر 73