صاحبة السيارة الحمراء

اخينا صحي الصبح وكالعاده ضارب البوز اياه
طبعا هتسالوني هو ليه ضارب البوز
هرد واقول لا دا العادي دلوقتي
دي سمة اكتسبها الشغب المصري خلال 30 سنة
المهم دخل الحمام وصلي الصبح ولبس ونزل الشغل وذهب الي عربة الفول وضرب طبق فول بالزيت الحار وبعد الاكل بياخد حبة تشكلتس لكي يضيع اثر الجريمة اللي ارتكبها وركب المترو وبدء في السرحان
عمره وصل للتلاتين وبعد 7 سنين شغل كل اللي وحشه ميجبش شقة ايجار دايم يعني مفيش شقة مفيش حب مفيش جواز بالإضافة إلي الناحية المعنوية لاالعلم ولاالثقافة اعطت ليه قيمة
دا أمين الشرطة ليه قيمة في البلد دي عنه
ونزل من المترو وركب الميكروباص وجلس جنب الشباك في مكانه المفضل وبدء في السرحان تاني .. هيعمل ايه اكثر من كدا مؤهل عالي وخد , دورات تدربية وخد , بيشتغل 10 ساعات يوميا باخلاص واتقان , لغات وبيتكلم , فقال في باله مفيش غير حلين
الاول يسرق بنك ودا صعب ومخاطرة
والتاني يصبح عضو في الحزب الوطني
نزل من الميكروباص واتجاه الي برج التي بها شركته فوجد الفتاه صاحبة العربية الفاخرة الحمراء بتنزل منها
فقال في نفسه ( جت نيله في حظنا الهباب ) الحمدلله
المهم اتجاه نحو الاسانسير ليركبه وكان عم مسعود امن البرج جالس علي مكتبه
اخينا بيصبح عليه ويرد عم مسعود بالعافية
وفجاه يدب النشاط في وجه عم مسعود مع كلمة صباح الخير من الفتاه صاحبة العربية الحمراء
وقام عم مسعود بسرعة البرق ليفتح باب الاسانسير لها ويقول صباح الخير يا أستاذه مع ابتسامه كادت تطير الفكين منها
ودخل إلي الشركة الذي بيعمل بها ويجلس علي مكتبيه ويبدء العمل الروتيني اليومي حتي نهاية اليوم
وخرج من عمله واقف وسط زحمة ناس كلهم منتظرين الميكروباص وبعد انتظار وخناقه استطاع ان يركب الميكروباص ويجلس في مكانه المفضل بجانب الشباك وبدء يسرح في همه وحياته
وفجاه ينظر من الشباك ليجد الفتاه صاحبة السيارة الحمراء تمر بجانبيه وتنظر اليه بابتسامه فتهللت اساريره من الفرحه ونسي كل همومه واعطي لها نفس الابتسامه
وفي اليوم الثاني يصحي من نومه بكل نشاط وهمة وتعلو وجهه ابتسامه نادرا الحدوث ويلبس افضل لبس لديه ويضع من البرفان المناسبات وينزل و يمر امام عربية الفول فيستغفر ربه
ويصل الي الشغل وعندما تصل الفتاه صاحبة السيارة الحمراء يركب معاها الاسانسير
ويحدث الحوار الاتي ::
هو : صباح الخير
هي : صباح النور
هو : حضرتك طالعه الدور الكام
هي : السابع
نظرات وابتسامات كثيرة
ثم اخينا قال في باله " اتكلم يا جدع وأتعرف عليها مضيعش الفرصة يا مغفل" فكسر السكوت
هو : نظر اليها بابتسامه وقال انا اسمي احمد شغل في شركة كذا
هي : وانا اسمي سارة شغاله في شركة كذا
هو : فرصة سعيده
هي : انا اسعد وهمت بالانصراف وهي تقول له باي
هو : ممكن طلب أأأاأ رقم موبيلك
يا استااااااااااااااااااااااااااااااااااااااااااااذ
اصحي وصلنا خلاص انت نمت ولا ايه
ففتح عينيه ونظر حوله وضحك وقال اضغاث احلام
ويا عيني علي الفقير يا ولداه في البلد دي
ومن وجواه صرخة شاب بيقول دا مش حقد انا عاوز حقي بس وعاوز العداله