بالفيديو قصيدة اطوى بكدبك .. كلمات وإلقاء سيد منيرعطيه .. اخراج :احمد السيد

ايه فى الدنيا ناقص تانى
اطوى بكدبك كل ظنونى
اجرح واخدع نبض عيونى
حطم قلب سقاك الحب
ادبح روح عاشقه الحلم
خليك فاكر اياك تنسى
قلبى كان ليك مرسى
عمر الحب ما يسكن قلب
جواه كبر
شايف كل الناس أشخاص
حرس تنداس
زى الورد فى لحظه نشمه
وبعد شويه فوق الارض
تدوسه الناس
مجروح يمكن
فى لحظه تعود
تعرف يوم معنى الذل
طرت بروحى زى الطير
فاكر انى لاقيت الضل
فاكر انى سكنت العش
عشت الوهم كأنى وليد
طفل بيصرخ محتاج أيد
تحضن قلب تروى النبض
لاقيت الشوك فى لمسه ايد
فى ضمه حضن
فى دم بيجرى جوه وريد
وسراب بيزيد يقتل عمر
عمر الحب تملى قصير
جوه عقول عاشقه الكدب
مثلت الدور
خلتنى أسير
يلى بتجرح كل حروفى
يلى معاك عشقت جروحى
يلى بنيت سعادتى عليك
وفى لحظه هدمت قلوعى
ليه اخترت تبعد عنى
وانت ف دمى
وبقيت حاضن كل ملامحى
حتى أهاتى تنطق اسمك
شفت الدنيا بعينك انت
سعادتى معاك
حزنى عليك
خلاك تكدب طول الوقت
وانا صدقت
بارع فى الاقناع
عشت الوهم
بانيت أحلام
طوفت معاك كل الدنيا
وانا فى مكانى ما تحركت
رسمت أحلامى فوق الرمل
لاقيت الموجه أكبر منى
هدمت حلم سنين
ندهت عليك خدنى لحضنك
مد اللى ايدك
سبتنى عايم جوه البحر
ح اغرق منك
قلتلى أسف ما تحركت
شفت الغدر مالى عينيك
ما أستغربت
سبت الموجه تحرك فيه
مره تقربنى للشط
ومره تاخدنى للوهم
خنت العهد
رميت الوعد
جوه بحور الغدر لاقيتك
عايش تضحك
خدعتنى فيك
وأنا صدقت