ديو ..... بقلم ولاء عزو و علي خلاف

برغم الحب والذكرى
مسير الفرقه مرسانا
ولو أيامنا دي فاكره
اكيد بكره هتنسانا
ولاء
برغم الحب والأشواق
بقيت بتعيش علي جرحي
ومهما قدرت تنساني
كفايه قلبى بقى عندي
علي
وأيه يعني تفارقيني
منا مفارق وانا مرتاح
ولو فاكرة جرحتيني
فدمعاتي دموع تمساح
ولاء
منا الخسرانه مش انت
لابد يكون ولا همك
لكني خسارتي مش إنت
دي أيام عشتها جمبك
علي
وانا ضيعت وقت كتير
بحبك بس مشفاهم
اتاري الحب كان أوهام
واتاري قلبي عاش واهم
ولاء
الحب عندك اى كلام
واحلامي بقت أوهام
انا السهرانه وانت تنام
وانا المجروحه يا جارح
علي
لا انا جارح ولا ظلمتك
ولا حتى ف مرة قسيت
محبتينيش فأنا سبتك
متستنيش أقول حنيت
ولاء
أهين يا حب كان كدبه
يا أصعب تجربه وعدت
انا كنت ف ايديك لعبه
وأهى أزمه راحت وإتعدت
علي
انا مش ناوي نتعاتب
يا ريت أحسن منتكلمش
ولو ع الآهه مش حاسب
يا ريت الجرح ميعلمش
ولاء
وانا هابعد عشان نرتاح
وأقول انا كنت باتعلم
ومين ف الحب مبيبكيش
وجرحه مبانش ولا علّم