حرب كوريا الشمالية ضد أمريكا تثير السخرية.. ومرسى: نووية أند صاروخ دونت ميكس

للواقع : سناء بدر
بعد أن أعلن الجيش الكوري الشمالي أمس الأربعاء، بأنه تلقى تعليمات من القيادة العليا للبلاد بتنفيذ هجمات نووية ضد الولايات المتحدة الأمريكية، وأبلغت كوريا الشمالية «رسميا» الولايات المتحدة إنها صدقت على ضربة ضد أمريكا قد تشمل «ضربة نووية متنوعة»، اجتاحت موجة ساخرة من التعليقات على مواقع التواصل الإجتماعى على هذه الحرب المحتملة.
وجاءت أبرز التعليقات تسخر من صغر سن الرئيس الكورى الشمالى، وأنه مواليد 1984، والخوف من بداية الحرب و«الحكومة تقطع النور».
وتداول رواد مواقع التواصل الاجتماعى تعليقات منها: «العالم كله مرعوب من حرب عالمية تالتة و حرب نووية شاملة ماعدا الشعب المصري نفسة الحرب تبدأ علشان يلحقها من اولها».. «أنا اللي صعبان عليا الجنود الامريكان كل مايقتلوا واحد كوري ويشوف واحد تاني يقولوا انا مش لسه قاتلك من شوية».
وبسخرية، تداول نشطاء تصريح لسونج آريان، القيادى بالحزب الكورى الشمالى الحاكم، عن إنه سيتم تنظيم مظاهرات تحت شعار «النووى والشريعه»، وذلك تأييدا لقرار الرئيس.
يا خوفي بقي ل يكون كل ال بيعمله الرئيس الكوري ده كله «كذبة إبريل»، وعلى نهج مؤيدى جماعة الإخوان المسلمين فى مصر، اتجه بعض النشطاء لمحاكاة أسلوبهم قائلين «عاجبنى اداء الرئيس الكورى اوى ...وعلى فكره انا مش كورى بس بحترمهم.. وعلى فكره أنا مش إخوان».
بيقولك الإدارة الأمريكية تبحث حظر الفيس بوك في مصر للتركيز في حربها مع كوريا، والمحكمة الدستورية الكورية تلغي قرارات الرئيس بإعلان الحرب على أمريكا.. الخوف ان كوريا تطلع اي كلام ونلبس في لاجئات كوريات.
قطر تتطلب استضافة الحرب العالميه التالته بين كوريا وامريكا على ارضها.. شباب الثورة في كوريا محضر جرافيتي واحد بس للشهيد وبيغيروا في الاسم.. كنا هناخد الدورى قامت ثورة فى معظم الوطن العربى قولنا صدفة عااادى بتحصل إنما حرب عالمية تالتة عشان كسبنالنا عشرة خمشتاشر ماتش.. حرام وربنا ربنا ميرضاش بالظلم.
من كوريا شمااااال ... بنهز جباااال .. وبأعلى صوت يونج قاهر الادغاااال..يا كيم يا كبير ..ياكيم ياعظيم..اديله نووى وبردو قليل، لو الجيل بتاعنا كان عايش ايام حرب اكتوبر و عمل الالش ده على اسرائيل كان زمان شارون و جولدا مائير و شيمون بيرييز انتحروا بسم فيران ووفروا علينا.
وكما تقول الأغنية الشعبية «دوخينا يا دنيا» .. لفي بينا يا كوريا دوخينا يا كوريا هاتينا شمال شويه هاتينا يمين شويه ادينا عايشين يا كوريا.
وانتهى أحد الأفراد قائلاً : والله انا خايف الحرب تشتغل من هنا يقوم النور قاطع.
وتخيل أحد الأشخاص ردود أفعال عدد من رجال الساسة فى مصر، شفيق «مش معنى أن الحرب قامت يبقى في ناس هتموت»، أبو إسماعيل «أنا سعيد بالحرب دي بس اللى هيقرب بين ماما فى امريكا هحاصر مدينة الإنتاج الإعلامى تانى»، والشيخ محمود شعبان «هاتولي بازوكة»، ومرشد الاخوان «ما ذنب الدبابات»، وعبدالله بدر «أوعي حد يلعب بالبازوكة ياروح امك».
وختاماً الرئيس مرسى «نووية أند صاروخ دونت ميكس».