انأ الأستاذ فالح طالع زكي مدرس الكمبيوتر بتاع الحلقة اللي فاتت هااا افتكرتوني ....... ايون انا ( مع ابتسامه بلهاء وتوسيع الفكين ) النهارده اول مره احضر طابور المدرسة الساعة سابعة ونص بالضبط كنت جوه المدرسة ... ويا سلاااااااااام انضباط وهدوء رهيب كان الطابور واقف فيه يدوب 5 طلاب في كل فصل ومدرس بيتاوب امامهم المهم خلص الطابور الصوري ودخلت أتعرف علي مدير المدرسة ولاقيته ما شاء الله ولا كأني داخل علي رئيس الجمهورية فالح : السلام عليكم المدير بصوت خشن وقوي : :وعليكم السلام أتفضل اقعد فالح : أنا فالح طا المدير : يا عم من أولها فالح مش لما نشوفك الأول ونجربك فالح : هو أنا موبيل... حضرتك أنا اسمي فالح طالع المدير بصوت خشن جدا ومرعب : بص بقى أنا بحب الالتزام كل الناس عندي سواسية 7.30 بالدقيقة تكون جوه المدرسة عشان أنا بشيل دفتر الحضور والانصراف 7.45 ولو مين جالي مش بطلعوا تاني وكشكول تحضيرك يكون كامل وعاوزك متعاون مع إدارة المدرسة فالح : بكل حماس ورهبة : حاضر يا فندم مدرس قديم دخل المكتب وهو بيشرب السيجارة بيقول : فين الدفتر يا كبير عشان اوقع المدير بصوت رقيق وهو بيطلعله الدفتر : ايه اللي اخرك المدرس : معلش راحت عليا نومه ..نمت متاخر المدير : ولا يهمك قولي المهم الواد حماده ابن اختي عامل ايه معاك المدرس : هو شقي بس متقلقش يا كبير مضبطه انا ميلت علي زميل كان قاعد جنبي وبقوله بصوت خفي : الاسد دا مدرس فرد وقال : اه ومتكلمش في السياسة فدخل مدرس أخر ببقول : فصل 3/14 فاضي يا ريس عاوزين مدرس احتياطي المدير : الأستاذ فالح اهو يطلع عشان ياخد علي جو المدرسة فالح : حاضر ... بس هو احنا عندنا 14 فصل تالته فرد المدير : 16 فصل يا حبيبي احنا اكبر مدرسة في المنطكه خرجت من المكتب وطالع للفصل وكلي حماس ورهبه اول مره اخش فصل وادرس وبراجع القواعد اللي حطتتها مع نفسي وبقول لا للضرب ... لا للصوت عالي ... لا للشتيمة ودخلت الفصل ولاقيت خليط من الطلبة اللي بيضرب زميله بالخشبه واللي بيشتم زميله بالام وطالب بينطط الكوره علي دماغه المهم لاقيت طالب بيقولي : عاوز حاجه يا كابتن فرديت وقلت : انا مدرس الكمبيوتر الجديد يا حبيبي وقلت بصوت متزن للطلبة : لو سمحتم انا مدرس جديد كل طالب يقعد مكانه .... لو سمحتم كل طالب يقعد مكانه ولا كأني بتكلم اصلا لاقيت نفس الطالب بيقول : لازم تتضرب يا استاذ عشان يعرفوا انك مدرس ويخافوا وبرضه انا مصمم وبقول :: لو سمحتم الكل في مكانه ..... وبدت احس اني مش عارف اسيطر علي الوضع ولاقيت بقول لانفسي أكون آو لا أكون وفجاه ظهر الغضب علي ملامحي ووشي احمر فقلت بصوت عالي جداااااا : كل طالب جزمة يقعد مكانه مش عاوز اشوف اي حمار واقف ووافتكرت مقولة سمير غانم " اضرب الطويل يخاف القصير " فاخترت اطول طالب ورحت ضربته علي دهره وبقول ليه بتكشيرة وصوت عالي : اقعد مكانك يا جزمة في ثانية كان كل الطلاب اصبحوا قاعدين مكانهم ومش سامع صوت مخلوق لاقيت نفسي بقول في بالي وانا فرحان بنفسي يا جاااااااامد يا شرس فقام طالب وقال: معلش يا مصطر ( يعني مستر ) منعرفش انك مدرس طالب اخر : يا مصطر احنا مش بنيجي غير بالشتيمة او الضرب فبصيت ليهم بشفقه وحسرة وقلت لنفسي مين يهتم بهولاء الطلبة بصيت لمنظر الفصل اللي بيتعلموا فيه الطلبة بالمجان عباره عن ديسكات مكسرة مينفعش يقعدوا عليها ومع ذلك كل ديسك 3 بيقعدوا عليه , شبابيك بلا زجاج لا شئ يحيمهم من البرد في الشتا ويعطيهم الهدوء اثناء شرح الدرس بالإضافة الي سبوره لا تصلح للكتابه عليها او الرسم ااااااااااااااااه هي دي المدارس العشوائيات الحكومية اللي محدش بهتم بيهم ولا بيحس بيهم بصيت لعيون الطلبة وقلت في بالي يا تري ايه مصير مستقبلكم ومين هيهتم بيكم لما مفيش حد اصلا بيهتم بأهلكم لازم تقاتلوا وتحاربوا عشان تنجوا من الظروف اللي زي السرطان بتخش في الجسم وبتقتلكم بالبطئ من غير ما تحسوا المهم خرجت من الفصل بقول نعم للضرب نعم للشتيمة نعم للصوت العالي ويبدور علي خرزانه وشريط لحام انتظروني مع المغامرة الثالثه واسمها معمل الحاسب الالي لان المغامرات لسه كتير كتير كتير
