ألم فى صدر مصر .......قصيده بقلم مرفت حموده

دم ابنى بينزف
وابنى التانى شهيد
واللى كان السبب
أخوهم ده كان عنيد
مين اللى زرع فيهم
القسوة والجبروت
مين اللى كان وراهم
بكل عزم أكيد
نكسّوا أعلامى
حترفعوها ليه
كسّروا أحلامى
حأحلم خلاص بايه
دمروا أولادى وكل حلم جديد
لون الحَمار فى عَلمى
كان ضد أعدائى
أصبح أساس لهمى
ورمز كل شهيد
لون البياض ده كان
رمز السلام والصفا
أصبح خلاص يا أولادى
ليكوا كفن بوعيد
أما السواد ده كمان
أصبح حداد وأنين
ألم بيعصر قلوب
راحوا بدون مواعيد
بيقولوا ده تخطيط
طب ما أنتوا عارفينهم
أسّمى ده تربيط
أو حكم سوط وحديد
بيقتلوا الثورة
ويقولوا همجية
بيقتلوا بقسوة
لشباب مالوش ديه
يا أولادى احمونى
أنا أملى فيكوا أكيد
حققوا الحرية
بكل نقطة دم
نادوا دى سلمية
لجل السلام ما يعم
أجسادكم الطاهرة
مدفونه فى أرضى
أرواحكم الصاعدة
حية لدى ربى
وعشان خاطر عيونكم
حأصمد قصاد الظلم
وأدوس على الطاغى
وأعلى
وده للعلم