فيديو الحكام العرب يظهر ده ذنب على العرب بنكفره ان الكلاب قاعده بتحكم في السباع حكامنا من 60 سنة ما اتغيرو امتى يحسو ويختشوا ويغوروا ويقولوا الوداع يجي الرئيس يعمل برئ واب روحي للشعوب وتشوف نجاسته على الملأ لو مرة جاع يضحك في وشك يبتسم وبكل حب يبصلك لما تقوله كفاية حكمك يقتلك وان مرة ثورت او اعترضت تلقى كلابه تبهدلك واللى زمان عامل برئ وهو ده حامي الوطن طالق كلابه تسحلك و في لحظة بيشيل القناع هو اللى عاش طول عمره كلب هيجي يوم يبقى اسد ؟؟ ده من المحال ان الاسود راح تيجي من نسل الضباع ارض الجولان واخدينها من 50 سنة مضربش طلقة على اليهود واداهم قفاه والدم يبقى للركب لو مرة شعبه قاله لا يعمل مدابح ويبيد في شعب بأكمله كلمة تاريخ محفورة في اراضي حماة شوف الولد على درب ابوه ماشي عدل صدق اللى قال مظلمش من شابه اباه ياللي بتقتل في الشعوب وتقول عليهم مجرمين قالوها قبلك عاللي ثاروا دول بلطجية مخربين قالوا علينا بلطجية ومأجورين وانت عبيط قاعد تكرر في الكلام دول كلمتين ملهومش لازمة ومحفوظين اذا مات شهيد يبقى خلاص سقت النظام هو اللى علمكم سياسة ده كان غبي يلا ارحلو عن ارضنا متغوروا يا ولاد الحرام هو اللى خارج عشان يشوف عزة وطن ويموت عشان غيره يعيش هيبقوا فعلا مجرمين ومخربين ؟ ولا الحياة عند البشر فعلا رخيصة ومتساويش وانت الاسد حامي الوطن راجل تمام مين اللى فعلا مجرمين ومخربين مين اللى ساب ارض الجولان للمعتدين مين اللى باع حلم الوطن خلاه سجين مين اللى بقتل في الشباب وبيستبيح شرف العذاري والدم اهون عنده من كسرة سجارة يضرب عليهم بالمدافع والدانات وهم مش لاقيين يدافعو عن نفسهم لو بالحجارة ومأجر الشبيحة تحرق في الحارات والام ابنها يندبح قدام عنيها وبتتسقي كل المرارة تفتكر ديا الرجولة والرياسة ولا دي معنى الندالة والحقارة سوريا الجريحة بتشتكى وبتستغيث مع كل طعلة شمس يصعد للسما الفين عريس والشعر الاسود يندفن من غير كفن يارب نزل رحمتك انت المغيث كل البيوت متلفحة بلون الحزن والدم محبوس في الشوارع خزان ومقفوله الهويس لو تفتحه وتسيبه يسقي في المدن يسقي بغزارة من حماة حتى باريس سوريا العظيمة بقت خلاص صالة جزارة واللي بيدبح في الملايكة شيطان خبيث والجامعة قاعدة في اجتماع امريكا مديتش الاشارة لجنة حقايق م العرب .. تقريريها هتجيبلك مرارة وعشان يلمو لحمهم ناقصين يصلولها استخارة سايبنة يقتل في البشر وكأنهم حبة معيز حكامنا قاعدين يمرعو وبيتخنوا وكأنهم حبة تيران قاعدة بتاكل في الدريس سوريا الجريحة بتتدبح والدنيا بتمطر الم وكل شيئ فيها خلاص بقى لونه دم حتى الشوارع والحارات بقى لونها دم والامهات قاعدة بتبكي في الشوارع اجسام ولادها اتبهدلت مبقش هينفع فيها لم خارجة تلملم في ابنها الراس في حتة والايد في حتة بس مش لاقية القدم دانة المدافع لما بتنزل ع الجبل بتفتته لما بتنزل ع الجسد شوفوا بقى تنسف كيانه تبهدله وكأنه في حكم العدم اصل الخسيس يا سوريا حالف ينتقم وما يمشي الا وكل شيئ فيكي انهدم فوقوا بقى واستوعبو هم الكلاب في الطبع واحد والدرس واحد من كتر تكراره اتفهم فوقوا بقى واتوحدوا ايد ربنا في ايد الجماعة وهيرفع المظلوم اكيد وهينصره مهما اتظلم انا مصري لكن الدمي دا دمي مرارة حزن تسكني وتألمني واموت من حزني لو شوفتك يا ارض الشام بتتغمي يسوقك كلب وعصبته واذا ثورتي يحط سلاحه في رقبتك ويدبح حتى ما يسمي انا اسف يا ارض الشام حكومتي الكلبة خذلاني وكان نفسي البي نداكي واجيلك واخد حفنة تراب منك في احضاني واخد تار اللى ماتوا بإيد عدوينكم مهو في الاصل مهما بعدنا اخواني وارضك يا بلاد الشام في قلبي وساكنة في كياني ده مهما وقفتنا حدود بلاد العرب راح تفضل ... بلادي وكل اوطاني يا ارض الشام اتحملي دول كلهم حبة كلاب انتي اللى باقية وفاضلة على مر الزمن انتي التاريخ انتي الحضارة وهم كلمه حقيرة من وسط الكتاب هانت خلص وهترجعي ست الزمان وهم بالكرباج يروحوا للعذاب اصله الخسيس يفضل خسيس ولا يؤتمن قولولي لولادك كملوا لو حتى تاب يا سوري كمل ثورتك ومفيش رجوع اصل الرجوع بقى شيئ محال واللى بيضرب عليك وعايز يقتلك اقتل ابوه مخلاص بقى دمه حلال ان عيشت عيش بكرامة وارفع همتك وان مت يبقى موت بطل موته رجال اصل البطولة انك تعيش حامي الوطن وانك تموت واقف وصامد كالجبال واللي يكون طالب الشهادة . ميهزهوش شكل الكفن واصبر وهم هيجرو دول حبة عيال يا سوري انت في التاريخ صورة وطن وهو مسخة من الشيطان دم النجس بقى ليك خلال
